| e-texts navigator |
| Wylie |
60b1 བསྒྲལ་བ་ཨེ་མ་ཧོ།། ངོ་མཚར་ཆེའོ།། ཨེ་མ་ཧོ་ཡ་མཚན་ཅན་ནོ།། དེའི་རྗེས་སུ་སྤྱོད་པའི་རྣལ་འབྱོར་པས།། བསྒྲལ་བའི་དམིགས་ནི་གང་ལ་བྱ།། དེ་ཡི་མཚན་ཉིད་བཤད་དུ་གསོལ།། ཞེས་ཞུས་སོ།། བཅོམ་ལྡན
60b2 འདས་རྡོ་རྗེ་ཁྲོས་པའི་ཡབ་ཆེན་པོས་བཀའ་སྩལ་པ་ནི།། ཉོན་ཅིག་རྡོ་རྗེ་འདུས་པའི་སྐུ།། ཀུན་ལ་བྱ་བར་གཞུང་ལས་མེད།། དམ་ཚིག་ཉམས་པ་བསྒྲལ་བའི་ཞིང་།། དམ་ཚིག་མེ་ཤེས་དམ་ཅན་བཀའ་གཅོག
60b3 པ།། འདི་ནི་བསྒྲལ་བའི་ཞིང་དུ་གསུངས།། དམ་ཚིག་ཉམས་པ་བསྒྲལ་ཞིང་ནི།། སྲོག་དོན་བཀའ་དམ་ལས་ཀྱིས་ཉམས།། མཚན་མ་འདོད་པས་ཉམས་དང་བདུན།། ཕ་མ་མཁན་པོ་སློབ་མ་གསོད།། རྡོ་རྗེ་ནང་དམེ
60b4 བྱེད་པ་དང་།། སྲོག་ལས་ཉམས་པས་བསྒྲལ་བའི་ཞིང་།། སློབ་དཔོན་བཀའ་བསླུ་མངན་དང་དབྱེ་ཡི་སེམས།། སྔགས་དང་ཕྱག་རྒྱ་རྒྱུན་གཅོད་གསང་བ་གཞན་ལ་སྤེལ།། དོན་ལས་ཉམས་པས་བསྒྲལ་བའི
60b5 ཞིང་།། གསང་སྔགས་ཚུལ་སྤྱོད་རྣལ་འབྱོར་ལ།། རྐུ་མཚངས་བྲུ་ཞིང་ཡ་ག་འདོགས།། བཀའ་ལ་སྐུར་འདེབས་འཁོར་རྣམས་ལོག་པར་ཁྲིད།། རྟགས་ཀྱི་དོན་བསྟན་ལོག་པར་འཛིན།། བཀའ་ལས་ཉམས་པས་བསྒྲལ
60b6 བའི་ཞིང་།། སྐུར་བའི་གཞི་བྱེད་ལྟ་བ་རྒྱབ་ཏུ་བོར། སྤྱོད་པ་ལོག་པ་དང་དུ་ལེན་ཅིང་སྤྱོད།། བཀའ་ཡི་གཞུང་པོར་ཕྱིན་ཅི་ལོག་ལ་མཁས།། དམ་ལས་ཉམས་པས་བསྒྲལ་བའི་ཞིང་།། སྔོན་ཆད་མཁོན་པའི་གཞི་མེད
iiif viewer powered by OpenSeadragon
