| e-texts navigator |
| Wylie |
60a1 འདི་བྱས་ན།། རིགས་ངེས་པ་ཡི་སྲས་ཉིད་དུ།། འདག་ལ་རྒྱས་བཏབ་ཇི་བཞིན་ནོ།། གཞན་ཡང་ཡོན་ཏན་དཔག་ལས་འདས།། སྐྱོན་གྱི་རིམ་པ་བསྟན་པ་ནི།། བླ་མེད་མཉེས་པར་མ་བྱས་སམ།། དམ
60a2 མེད་དབང་རྣམས་མ་མནོས་ནས།། ཉན་འཆད་སྒོམ་ཞིང་ལས་བྱེད་དང་།། རྡོ་རྗེ་བླ་མ་བྱེད་པ་དག། ཚེ་ཐུང་དམྱལ་བའི་གནས་སུ་ལྟུང་།། འཇིག་རྟེན་འདིར་ཡང་གནོད་པ་དག། འཁོར་དུ་མི་ནད་ཕྱུགས་ནད
60a3 འབྱུང་།། ཡུལ་དུ་སད་དང་སེར་བ་འབེབས།། འཇིག་རྟེན་མི་ཡི་ཡ་ག་དར།། དེ་ཡི་སྐྱོན་དུ་ཤེས་པར་བྱའོ།། ལས་ཀྱི་མཐའ་བསྡུས་བསྟན་པ་ནི།། གཏོར་མཚོ་གསུམ་གནས་སུ་གཏང་།། གཤེགས་དང་བསྡུས་དང
60a4 གཟུགས་བརྙན་ཞལ་ཕྱེས་ལ།། ལུས་བསྲུང་གོ་བགོ་བཀའ་ནན་སྤྱོད་ལམ་བྱའོ། ཟབ་པའི་དབང་གསུམ་དབང་བསྐུར་ན།། གཟུངས་མ་དེ་དང་དེ་དག་ལ།། ཡོན་ཡང་བླ་མའི་ཕྱེད་ཤས་དབུལ།། དམ་ཚིག་བསྲུངས་དེ
60a5 བརྡ་དང་ལྡན་པར་བྱ།། མ་བྱས་པས་ན་མནར་མེད་འགྱུར།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། ཞི་བ་རྗེས་སུ་བསྒྲུབ་པའི་ལེའུ་སྟེ་བཅུ་བཞི་པའོ།། །། དེ་ནས་ཡང་རྡོ་རྗེ་འདུས་པའི་སྲས་མཆོག་ཀཱི་ལ
60a6 ཡས། ཕྱི་རབས་ཀྱི་རྣལ་འབྱོར་གྱི་དོན་དུ་དྲག་པོའི་ལས་བྱ་བའི་དམིགས་གང་ལ་བྱ་བ་འདི་སྐད་ཅེས་གསོལ་ཏོ།། ཨེ་མ་ཧོ་རྡོ་རྗེ་ཁྲོས་པའི་ཡབ།། དཀའ་ཐུབ་ཅན་གྱི་དྲེགས་པ་ཆེན་པོ་དེ།། མངོན་སྤྱོད་རོལ་པས
iiif viewer powered by OpenSeadragon
