| e-texts navigator |
| Wylie |
59b1 སྦྱར་བསྐ་འམ་བརླག་རོ་མཆོག་སྟེ།། ཛ་གད་ཚེ་དང་ཟླ་རྒྱས་དང་།། ཚེ་འཛིན་མཱཾ་ས་ཀུན་ཏུ་རྒྱུ།། ཚིམས་བྱེད་འཇམ་དེས་ཞལ་ཟས་ཀྱིས།། ཉིན་མཚན་རྟག་ཏུ་བདེ་ལེགས་ཤོག། ཨོཾ་སརྦ་ཏ་ཐཱ་ག་ཏ་པཱུ་ཛ་ས་མ་ཡ་ཧཱ།
59b2 གསང་བ་ནང་གི་དབང་བསྐུར་རོ།། ཡིད་དུ་འོང་བའི་གནས་དག་ཏུ།། བླ་མེད་རྡོ་རྗེ་སློབ་དཔོན་གྱིས།། མེ་ཏོག་ཕུང་པོའི་དཀྱིལ་འཁོར་བྱ།། རབ་བསྐྱེད་སྤྱན་དྲང་མཆོད་བྱས་ལ།། རིགས་ཀྱི་བུ་ཡིས་ཞུ་བ་དབུལ།། བླ
59b3 མས་གཟུང་མ་བྱིན་བརླབས་ཏེ།། གསང་བ་བྱང་ཆུབ་སེམས་ཀྱི་དབང་།། འདོད་པ་དེ་ལ་སྦྱིན་པར་བྱ།། རིགས་བཟང་ཉི་ཤུ་ལོན་པའམ།། མཚན་ལྡན་སེམས་ཕེབས་གང་དུ་བཟུང་།། རིགས་ངན་མཚན་ངན་སེམས་མི
59b4 ཕེབས།། ད་ནི་སྤང་བར་བྱ་བ་ཡིན།། ཕན་ཡོན་བསྟན་པར་བྱ་བ་ནི།། དབང་མཆོག་བསྐུར་བས་བུ་མཆོག་དེ།། འཇིག་རྟེན་མེ་ཡིས་མཆོད་ཅིང་བཀུར།། བདེ་གཤེགས་རྣམས་ཀྱིས་སྲས་སུ་དགོངས།། ལྷ་མོ་རྣམས
59b5 ཀྱིས་གྲོགས་སུ་མཐོང་།། ཆོས་སྐྱོང་སྲུང་མས་སྟོངས་གྲོགས་བྱེད།། འགྲོ་དོན་སྤྱད་ཀྱང་མི་འགྲིབ་ཅིང་།། འཁོར་འདབ་རྒྱས་ཤིང་བསམ་པ་འགྲུབ།། ཚེ་ཡི་འདུ་བྱེད་བྱས་ན་ཡང་།། རིག་འཛིན་ས་ལ་ངེས་པར
59b6 འཁོད།། བྱང་ཆུབ་མཆོག་ཏུ་གདོན་མི་ཟ།། གཞན་ཡང་འཇིག་རྟེན་འཕོས་མ་ཐག། ལས་ཀྱི་དབང་གིས་གར་སྐྱེས་ཀྱང་།། ཞག་གྲངས་ཉི་ཤུ་རྩ་དགུ་ཚུན་ཆད་དུ།། གོས་སམ་མིང་ལ་ཤེས་བསྟིམ་ནས།། ཆོ་གའི་རིམ་པ
iiif viewer powered by OpenSeadragon
