| e-texts navigator |
| Wylie |
53a1 བརྟན་པར་བཟུང་།། ཀུན་རྫོབ་སྔོན་དུ་འགྲོ་བ་ནི།། བདག་ཉིད་ལྷ་ཡི་བྱང་ཆུབ་སེམས།། བདེ་གཤེགས་སྲས་བཅས་སྤྱན་དྲང་བཞུགས་གསོལ་དམིགས།། ཕྱག་འཚལ་མཆོད་པ་ཅི་འབྱོར་འབད།། སྡིག
53a2 བཤགས་ཡི་རང་སྐྱབས་གསོལ་ཞིང་།། འགྲོ་བ་མ་ལུས་དོན་གྱི་ཕྱིར།། སྙིང་རྗེ་མཆོག་གིས་གཞི་བཟུང་སྟེ།། ས་བདག་འཁོར་ལྔ་ཉིད་ལ་ནི།། གཏོར་མ་བྱིན་ཏེ་གཞན་ཏུ་བཏང་།། ཉི་མ་རིམ་པར་འགྲོ་བ་བཞིན།། ལྟོ།
53a3 འཕྱེ་གཞུང་དུ་བརྟགས་ནས་ནི།། ལྔ་ཚན་ཉི་ཤུ་རྩ་ལྔ་ཉིད།། ས་བདག་ཉིད་ལ་དབུལ་བར་བྱའོ།། རྒྱལ་པོ་རྣམས་ལ་ཁྲུ་བཅུ་གཉིས་བློན་པོ་རྣམས་ལ་བརྒྱད་དུ་བྱ།། དམངས་ལ་དེ་བཞིན་དྲུག་ཡིན་ཏེ།། ཤིན་ཏུ་འཐས
53a4 ཤིང་ལེགས་བྱས་ལ།། དམིགས་སུ་མེད་པའི་ཏིང་འཛིན་གྱིས།། དམིགས་མེད་ངང་དུ་དག་པར་བྱ།། དཀྱིལ་དུ་གཙང་མའི་གདན་བཏིང་ལ།། གདེང་ལྡན་བདག་ཉིད་མཛེས་བྱས་དབུས་སུ་འདུག། ཟུར
53a5 ག། ཤིཥྚ་བཞི་ཉིད་ཕྱོགས་བཞིར་གནས།། དུས་གསུམ་བཞུགས་ཀུན་སྤྱན་དྲང་མཆོད།། ཡིད་ཀྱིས་རྡོ་རྗེའི་བཟླས་པ་བྱ།། དེ་ནས་བློ་ལྡན་བཞི་པོ་ཡིས།། རིགས་བཞིའི་ངང་ལ་གནས་ནས་སུ།། དཀྱིལ་འཁོར་ཆེན
53a6 པོ་ཤོད་ཅིག་ཅེས།། སྔོན་བྱུང་བཞིན་དུ་གསོལ་བ་གདབ།། དེ་ནས་ཕྱིར་ཉིད་སོང་ནས་ནི།། རྡོ་རྗེའི་སྟབས་དང་རོལ་པའི་གར།། རྡོ་རྗེའི་ལྟ་བས་ཀུན་བལྟས་ཏེ།། བར་ཆད་བགེགས་བསྐྲད་དཀྱིལ་འཁོར
iiif viewer powered by OpenSeadragon
