| e-texts navigator |
| Wylie |
52b1 སུ།། ཡོ་བྱད་མ་ལུས་ཚོགས་འགྱུར་ན།། སྒྲུབ་པ་ལ་འཇུག་དུས་ཚོད་ཡིན།། མ་ཚོགས་བར་དུ་དུས་ཚོད་མེད།། ཅེས་པས་ནི། ཕྱིས་རྗེས་སུ་འཇུག་པའི་གང་ཟག་རྣམས་ཕུན་སུམ་ཚོགས་པ་དྲུག་གི་དོན་གྱིས་སྒྲུབ་པའི
52b2 གཞི་བཟུང་བ་ལ་མགོ་མི་རྨོངས་པར་འགྱུར་རོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། ཕུན་སུམ་ཚོགས་པ་དྲུག་གིས་སྒྲུབ་པའི་གཞི་བཟུང་བ། ཞུགས་ལེན་དུ་བསྟན་པའི་ལེའུ་སྟེ་བཅུ་གཉིས
52b3 པའོ།། །། དེ་ནས་ཡང་རྡོ་རྗེ་འདུས་པའི་སྲས་མཆོག་ཀཱི་ལ་ཡས།། ཕྱི་རབས་ཀྱི་རྣལ་འབྱོར་པ་རྣམས།། སྔོན་དུ་བྱ་བའི་ཆོ་ག་ལ་མགོ་མི་རྨོངས་པར་བྱ་བའི་ཕྱིར་ན། བཅོམ་ལྡན་འདས་རྡོ་རྗེ་ཁྲོས་པའི་སྐུ
52b4 གསུང་ཐུགས་གཞོན་ནུ་མ་ལ་འདི་སྐད་ཅེས་གསོལ་ཏོ།། ཨེ་མ་ཧོ་སངས་རྒྱས་རྒྱལ་བའི་མཆོག། རྗེས་སུ་འཇུག་པའི་རྣལ་འབྱོར་པས།། སྔོན་དུ་བྱ་བའི་ལས་ནི་གང་།། རྒྱལ་མཆོག་ཁྱོད་ཀྱིས་བསྟན་དུ་གསོལ།། ཞེས
52b5 གསོལ་ཏེ།། བཅོམ་ལྡན་འདས་ཀྱིས་བཀའ་སྩལ་པ་ནི། རྣལ་འབྱོར་སྔོན་དུ་བྱ་བའི་ལས།། དོན་དམ་ཀུན་རྫོབ་གསུམ་ཡིན་ཏེ།། དོན་དམ་སྔོན་དུ་འགྲོ་བ་ནི།། འབྲས་བུ་ཡེ་ཤེས་ཚོགས་འདོད་ཕྱིར།། བདེ་བའི་སྟན་ལ
52b6 འདུག་ནས་ནི།། བསམ་གཏན་གྱི་ནི་ཕྱག་རྒྱ་ལྔས།། ལུས་སེམས་མཉམ་པར་བཞག་བྱས་ཏེ།། སྟོང་པ་ཆེན་པོའི་ཏིང་འཛིན་ནི།། དམ་པ་དོན་གྱི་བྱང་ཆུབ་སེམས།། རྒྱུ་རྐྱེན་གང་ལས་མ་བྱུང་ཞིང་།། མི་འགྱུར་བྱང་ཆུབ
iiif viewer powered by OpenSeadragon
