| e-texts navigator |
| Wylie |
51b1 ཡིན།། ས་ཡི་ཆོ་ག་བསྟན་པ་ནི།། གནམ་དང་ས་དང་བར་སྣང་རྣམས།། རྡོ་རྗེའི་གུར་བཙལ་བྲག་རི་བརྟགས།། དེ་ནས་བུས་གང་ཙམ་དུ་རྐོ།། ས་ཡི་རོ་ལྔ་བསལ་བྱས་ནས།། ས་དེ་ཉིད་ཀྱིས་དགང་བར་བྱ།། ཁེངས
51b2 ནས་ལྷག་ན་དངོས་གྲུབ་རབ།། ཁ་ཏ་ཆད་ན་དངོས་གྲུབ་འབྲིང་།། མ་ཁེངས་གྱུར་ན་གཞན་དུ་སྤྲོ།། མངོན་དུ་སྣང་བའི་མི་རྣམས་ལ།། རིན་ཆེན་རིན་ནམ་བདེན་པས་བསླང་།། བདག་ཉིད་ལྷ་ཡི་རྣལ་འབྱོར
51b3 པས།། མཆོད་དང་གཏོར་མ་ངེས་ཐོགས་ནས།། ལག་གཉིས་འཁོར་ལོས་ས་ཡི་ལྷ་མོ་སྦྲན།། མཆོད་ལ་དབང་བཅོལ་བདེན་ཚིག་བསྒོ།། དེ་བས་ལེགས་ཤིང་དང་བར་བྱ།། ཡོ་བྱད་དམ་པ་བྱང་ཆུབ་སེམས།། སེམས
51b4 ཀྱི་སྟོབས་ཀྱིས་རྩོལ་ནུས་ན།། ཐམས་ཅད་མ་ལུས་ཡོ་བྱད་ཡིན།། ལྷ་གྲངས་ཚང་བའི་ཕུར་པ་དང་།། བསྒྲུབ་པ་རྫས་ཀྱི་ཕུར་པ་དང་།། ཉུང་དཀར་གུ་གུལ་རཀྟ་རྣམས།། བསྒྲུབ་པ་རྩ་བའི་ཡོ་བྱད་དོ།། ཕྱི་ནང་གསང
51b5 བའི་མཆོད་རྫས་ཏེ།། བདུག་པ་མར་མེ་མེ་ཏོག་བཤོས།། གཏོར་མ་བདུད་རྩི་རཀྟ་དང་།། གཙོ་གཟུངས་ལྷག་པའི་བྱང་ཆུབ་སེམས།། མཆོད་པ་གསང་བའི་ཡོ་བྱད་དོ།། དུར་ཁྲོད་ཤ་ཁྲག་ལ་སོགས་པའི།། ཁྱི་སྤྱང་ཝ
51b6 འཕར་ཤ་ཁྲག་དང་།། མར་ཞག་འོ་མ་ཁྲག་རྣམས་ཀུན།། མ་མོ་བསྟེན་པའི་ཡོ་བྱད་དོ།། རབས་ཆད་ནག་པོའི་ཐོད་པ་དང་།། ལྕགས་སྣ་ལྔ་ཡི་ཕུར་པ་ནི།། དམ་སྲི་མནན་པའི་ཡོ་བྱད་དོ།། མཛེས་པའི་གཏོར་མ་ཕུར
iiif viewer powered by OpenSeadragon
