| e-texts navigator |
| Wylie |
50b1 འབུམ། འབུམ་ལྔའི་བཤགས་པས་སྡིག་པ་མཚམས་མེད་འབྱང་བར་འགྱུར།། ཉོན་ཅིག་རྡོ་རྗེ་འདུས་པའི་སྲས། འབུམ་ཕྲག་ཚ་ཚ་གདབ་ཅིང་བཤགས་ཤིང་བསྐང་གསོ་རྒྱ་ཆེར་བྱའོ།། ལས་དང་དོན་དམ་ཀུན་རྫོབ
50b2 སེམས་བསྐྱེད་དགོས་པ་ནི།། དཔེར་ན་རས་དཀར་ཚོས་སུ་འཛིན་པ་བཞིན།། རྣལ་འབྱོར་པ་ཡི་ཉེས་པ་དག་གྱུར་ན།། བདེ་གཤེགས་སྐུར་འགྱུར་འདི་ལ་ཐེ་ཚོམ་མེད།། མ་དག་རྒྱུ་ཡིས་མི་འགྲུབ་སྟེ།། དཔེར་ན་ས
50b3 བོན་རྩི་ཉམས་པས།། འབྲས་བུ་འབྱུང་བ་ག་ལ་སྲིད།། དེ་ནས་ནན་ཏན་ཆེར་བསྐྱེད་ནས།། སྔོན་དུ་འགྲོ་བའི་དོན་ལ་དད་ཅིང་བརྩོན་པར་བྱ།། ཞེས་གསུངས་སོ།། དེ་སྐད་གསུངས་པས་རྡོ་རྗེ་འདུས་པ་ལ་སོགས་པ
50b4 འཁོར་རྣམས་ནི། ཕྱི་རབས་པའི་རྣལ་འབྱོར་པའི་དོན་དུ་སྔོན་དུ་འགྲོ་བ་ལ་གུས་པས་དོན་ཐུགས་སུ་ཆུད་པར་གྱུར་ཏོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས།། རྣལ་འབྱོར་སྔོན་དུ་འགྲོ་བའི་དོན་རྒྱས་པར་ཞུས
50b5 ལན་དུ་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་ཡང་རྡོ་རྗེ་འདུས་པས།། བཅོམ་ལྡན་འདས་ལ་ཡང་རྨད་དུ་བྱུང་བའི་མཆོད་པས་མངོན་པར་མཆོད་དེ། འདི་སྐད་ཅེས་གསོལ་ཏོ།། ཨེ་མ་བདེ་གཤེགས
50b6 བཅོམ་ལྡན་འདས།། རིགས་དང་ཡེ་ཤེས་ཀུན་གྱི་འབྱུང་གནས་ཏེ།། དམ་ཆོས་བྱེ་བྲག་ཀུན་ལ་མངའ་བརྙེས་པས།། ཇི་ལྟར་སྦྲུལ་ཀྱང་ཐུགས་ཀྱི་གདེང་མི་གཡོ།། སྐུ་གསུང་ཐུགས་ཀྱི་བདག་ལ་ཕྱག་འཚལ་ལོ།། ཞི་བ
iiif viewer powered by OpenSeadragon
