| e-texts navigator |
| Wylie |
50a1 གཅིག་རྒྱན་མདུད་བྱ།། སྐེད་པར་དེ་བཞིན་བྱ་བ་སྟེ།། སྟོད་ཀྱི་དབྱིབས་ནི་སོར་བརྒྱད་ལ།། རྩེ་མོ་ཟུར་གསུམ་ཟེར་སོར་བྱ་བ་ནི།། ཟླུམ་པོ་གྲུ་བཞི་ཟླ་གམ་ཟུར་གསུམ་སྟེ།། རྩེ་མཚན་སོ་སོའི་དབྱིབས
50a2 སུ་ནི།། དབང་དྲག་གཉིས་ནི་ཆུ་སྲིན་ཁ་ནས་བྱུང་།། ཞི་ལ་ཟུར་དྲུག་རྒྱས་ལ་བརྒྱད།། རི་རབ་ལྟ་བུ་བརྗིད་ཆེ་བ།། ཀུན་རྫོབ་དབྱིབས་སུ་བྱས་པ་ཡིན།། ཁྲག་འཐུང་འབར་བ་ཐུགས་ཀྱི་ཡེ་ཤེས་ལ།། ཡོན་ཏན་ཚང
50a3 པབའི་ཚུལ་ལམ་དབྱིབས།། དེ་ཉིད་རྟོགས་ན་འདི་མི་དགོས།། རྒྱུ་རྐྱེན་མ་འགགས་དོན་ཤེས་ན།། རྩ་བ་རྩེ་མོ་དབྱེར་མེད་དོ།། མ་རྟོགས་པས་ན་དེ་བསྟན་ནོ།། ལེགས་པའི་ཡོན་ཏན་བསམ་ལས་འདས།། ལེགས་ན་ཡི
50a4 རང་དོད་ན་གདུང་།། ཉེས་པའི་སྐྱོན་ནི་འདི་ཡིན་ཏེ།། གང་དགར་བྱས་ན་བཀའ་ལས་འགལ།། སྙེད་བཅོད་བྱས་ན་ཚུལ་ལས་ཉམས།། ངན་དགུར་བཤམས་ན་རྟོག་པར་འགྱུར།། བྱམས་པས་ཕྱོགས་མེད་ཕན
50a5 གདགས་ཤིང་།། མ་ཆགས་དགའ་བས་མངོན་བསྒྲུབས་ཏེ།། བྱམས་པ་ཕན་གདགས་སྨོན་པ་བྱའོ།། ལས་ནི་འབུམ་ལྔའི་བཤགས་པ་སྟེ།། སྐུ་ཡི་དམ་ཚིག་ཉམས་པ་བཤགས་པ་ཚ་ཚ་འབུམ།། གསུང་གི་དམ་ཚིག
50a6 ཉམས་པ་བཤགས་པ་གསུང་རབ་འབུམ།། ཐུགས་ཀྱི་དམ་ཚིག་ཉམས་པ་བཤགས་པ་སྲོག་འདོན་འབུམ། ཁྱད་པར་དམ་ཚིག་ཉམས་པ་བཤགས་པ་ཚོགས་མཆོད་འབུམ།། ལྷག་པའི་དམ་ཉམས་གང་ལ་བཤགས་པ
iiif viewer powered by OpenSeadragon
