| e-texts navigator |
| Wylie |
48a1 དང་།། བསྐུལ་བ་ལས་ཀྱི་སྔགས་རྣམས་ཆེད་དུ་བརྗོད་དོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། དཀྱིལ་འཁོར་རྒྱས་པར་བསྟན་པ་ལས།། སྡུད་པ་པོས་མཆོད་ཅིང་བསྟོད་ནས། གསང་སྔགས
48a2 ཀྱི་དོན་ཞུས་པ་དང་། དེའི་ལན་རྒྱས་པར་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་ཡང་རྡོ་རྗེ་འདུས་པའི་སྲས་མཆོག་ཀཱི་ལ་ཡས།། བཅོམ་ལྡན་འདས་རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུ་ལ། རྨད
48a3 དུ་བྱུང་བའི་གླུ་སྣ་ཚོགས་པས་མངོན་པར་མཆོད་ནས།། མ་དད་པའི་སེམས་ཅན་ཆེན་པོ་དེ་དག་ལ། དེ་ལྟ་བུའི་མཛད་སྤྱོད་བསྟན་པ། ཨེ་མ་ཧོ་ངོ་མཚར་ཡ་མཚན་ཅན་ནོ།། དེའི་རྗེས་སུ་འཇུག་པའི་གང་ཟག་དང་ནི
48a4 གནས།། འཁོར་དང་ཕུར་པ་ཡོ་བྱད་དུས་ཚོད་རྣམས།། དཔའ་བོ་ཁྱོད་ཀྱིས་བཤད་དུ་གསོལ།། ཞེས་གསོལ་པས། རྡོ་རྗེ་ཁྲོས་པའི་སྐུ་གསུང་ཐུགས་གཞོན་ནུས་གསོལ་བའི་དོན་ཐུགས་སུ་ཆུད་ནས། ཁྲོས་པས་བཀའ
48a5 སྩལ་པ། ཉོན་ཅིག་རྡོ་རྗེ་འདུས་པའི་སྲས།། རྣལ་འབྱོར་དོན་ཞུས་ཡ་མཚན་ཆེའོ།། ཨེ་མ་ཧོ་ཉོན་ལ་ཡིད་ལ་ཟུང་། གང་ཟག་སྒྲུབ་པའི་མཚན་ཉིད་ནི།། རིགས་བཟང་ཀུན་གྱིས་བཀུར་ཞིང་ཀུན་ལ་མཛེས།། དབྱིབས
48a6 ལེགས་གསང་བ་ཉོན་མོངས་ཆུང་།། ལོངས་སྤྱོད་ལྡན་ཞིང་སྒོ་ཡང་སྤྱོད་པ་མཛེས།། གང་གི་ལས་ལ་མ་རྨོངས་བཟོ་བའི་བྱེ་བྲག་ཕྱེད།། ཕྱི་ནང་སྡེ་སྣོད་ཐམས་ཅད་ལ།། ཐོས་བསམ་བསྒོམས་ལ་རབ་སྦྱངས
iiif viewer powered by OpenSeadragon
