| e-texts navigator |
| Wylie |
42a1 ལྕགས་ཀྱི་ཁྱི་མོ་རལ་པ་ཅན་དང་། ལྕགས་ཀྱི་སྤྱང་མོ་མགོ་དགུ་དང་། ཟངས་ཀྱི་ཝ་མོ་རྐང་གསུམ་དང་། གསེར་གྱི་འཕར་བ་ལྕེ་བརྒྱད་མ་ལ་སོགས་པས། འགྲོ་བ་ཀུན་སྒྲོལ་ཞིང་ཟ་བ་ལས། བཅོམ
42a2 ལྡན་འདས་ཀྱིས་རྫུ་འཕྲུལ་གྱི་སྤྱན་གྱིས་གཟིགས་ནས། བསྒྲལ་བར་དགོངས་པས་སྲོག་སྙིང་ཕུལ་ཏེ་དམ་མནོས་སོ།། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། མ་ཐ་མ་བཛྲ་ཞེས་པས། ཕོ་ཉ་ཤྲ་ནར་མཚན
42a3 གསོལ་ལོ།། དེ་ལྟར་འཇིག་རྟེན་པའི་དྲེགས་པ་ཕོ་མོ། འཁོར་དང་བཅས་པ་རྣམས་རིམ་པས་བཏུལ་བསྒྲལ་སྦྱར་གནས་བསྟབས་དམ་ལ་བཏགས་པར་མཛད་དོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། རྡོ་རྗེ་ཁྲོ
42a4 བོར་རོལ་པས་མ་དད་པ་བཏུལ་བའི་ལེའུ་སྟེ་བཅུ་པའོ།། །། དེ་ནས་ཡང་རྡོ་རྗེ་འདུས་པའི་སྲས་མཆོག་དམ་པ་དེས། བཅོམ་ལྡན་འདས་ཁྲོས་པའི་སྲས་མཆོག་སྐུ་གསུང་ཐུགས་གཞོན་ནུ་འཁོར་དང་བཅས་པ
42a5 ལས་མཆོད་པ་བསྟབས་ཏེ། ཨཱིཾ་ཀི་ལི་ཀཱི་ལ་ཡ་ཀྲོ་ཏ་ཀྲོ་ཏཱི་ཧ་ཧེ་ཕཊ། དཱི་པ་དྷ་པ་པུཥྤ་སུ་ཁ་གནྡྷ་ཨི་དཾ། ཨ་མྲྀ་ཏ་བ་ལིནྟ་རཀྟ་བོ་དྷི་ཙིཏྟ་ཧོ། ཞེས་པས་ཕྱི་དག་པའི་མཆོད་པ་དང་། ནང་ཁྱད་པར་གྱི་མཆོད་པ་དང་།
42a6 གསང་བ་དགའ་བའི་མཆོད་པས་རྒྱུན་དུ་མངོན་པར་མཆོད་པའོ།། མཛད་སྤྱོད་ཀྱི་དོན་བསྡུས་པས། དཀྱིལ་འཁོར་གྱི་ལྷ་ལ་བསྟོད་པ་ནི། ཨེ་མ་ཧོ། བདུད་བཞི་བཅོམ་ནས་ཡོན་ཏན་དྲུག་ལྡན་ལ།། ཡོད་མེད་མཚན
iiif viewer powered by OpenSeadragon
