| e-texts navigator |
| Wylie |
41b1 རྣལ་འབྱོར་ལ།། དངོས་གྲུབ་བར་ཆད་བྱེད་པ་རྣམས།། ལྷའམ་འོན་ཏེ་བདུད་ཀྱང་རུང་།། མཐུ་དང་རྫུ་འཕྲུལ་མེད་པར་བྱའོ།། ཞེས་གསུངས་ཏེ། སྲིང་མོ་དང་བཅས་པས་དམ་མནོས་ནས། བསྟན་པ་སྐྱོང་བར་ཞལ
41b2 གྱིས་བཞེས་སོ།། རྡོ་རྗེ་ཁྲོས་པའི་རྒྱལ་པོས་ཀྱང་ལུང་ཕོག་སྟེ། དམ་ལས་འདས་ན་སྙིང་པོ་འདིས་ཁྱེད་ཉིད་ཀྱི་མཐུ་དང་རྫུ་འཕྲུལ་ཕྲོགས་ཏེ་བསྒྲལ་བར་དམ་བཅས་སོ།། ཨོཾ་བཛྲ་ཀཱི་ལི་ཀཱི་ལ་ཡ་སརྦ་ཨཱ་ན་ཡ་ཏ་ཐཱ་ཡ
41b3 ཏ་ཐཱ་ཡ་ཧཱུཾ་ཕཊ། ཅེས་གསུངས་སོ།། དེའི་ཚེ་ན་དྲེགས་པའི་གཙོ་མོས་ཀྱང་རང་གི་སྙིང་པོ་འདི་བསྟབས་ཏེ་བསྟན་པ་བསྲུང་བར་དམ་བཅས་སོ།། མ་མ་པ་ཤཾ་ཀུ་རུ་ཧཱུཾ། ཟུར་ཆགས། མ་ཏཾ་ཛྙཱ་ཀ་ར་ཨི་དན་དྷ་ཏི་མ
41b4 མ་ཀརྨ་ཤཱི་གྷྲཾ་ཀ་ར་ཡ་ཞེས་བསྟབས་ཕུལ་ཏེ། ཕྱི་རབས་ཀྱི་ཚོགས་བསྐང་བར་བྱས་ནས། མཐུའི་བདག་ཉིད་དུ་མཚན་གསོལ་ལོ།། དེ་ནས་ཡང་བདུད་ནག་པོ་བཀྲག་མེད་ཀྱི་བུ་མོ་དང་། གཟའ་བི་ཏྲི་བ་ཏྲའི་བུ་མོ་དང་།
41b5 བཙན་ཤུ་བོ་ལག་རིངས་ཀྱི་བུ་མོ་དང་། ཀླུ་འཇོག་པོའི་བུ་མོ་རྣམས་བསྒྲལ་ཞིང་སྦྱར་བར་དགོངས་ནས། རང་དམ་སྲོག་གི་སྙིང་པོ་བསྟབས་ཤིང་ཕུལ་ནས། རྡོ་རྗེ་ཕུར་པའི་དམ་མནོས། ཨ་ཛི་ཏེ་ཡ། ཨ་པ་ར་ཛི་ཏེ་ཡ།
41b6 ཛ་ཡེ་བི་ཛ་ཡེ། མཱ་ཡར་སེ་ནཱ་པྲ་མརྡ་ན་ཡེ། ཟུར་ཆགས། ཞེས་པས་ཕྱི་རབས་ཀྱི་རྣལ་འབྱོར་པའི་ཐུགས་དམ་བསྐང་བར་བྱས་ཏེ། ས་བདག་ཆེན་མོར་མཚན་གསོལ་ལོ།། དེ་ནས་ཡང་འཇིག་རྟེན་ཕུང་བར་བྱེད་པ་སྟེ།
iiif viewer powered by OpenSeadragon
