| e-texts navigator |
| Wylie |
3b1 ཅེས་བཀའི་བསྒོ་བ་མཛད་པས། རྡོ་རྗེ་འཛིན་པའི་རྒྱལ་པོས། རིགས་བཞིའི་སངས་རྒྱས་ཀྱིས་བསྐུལ་བ་ཐུགས་སུ་ཆུད་ནས། འཁོར་མང་པོ་དང་བཅས་པ་སྣོད་དུ་རུང་བར་བྱིན་གྱིས་བརླབས་པར་མཛད་ནས། སྟོན
3b2 པའི་ཞལ་དུ་བལྟས་ཏེ་གནས་སོ།། དེ་ནས་རྡོ་རྗེ་འདུས་པའི་རྒྱལ་པོས། བསྔོ་བ་མེད་པའི་མཆོད་པ་མ་ཆགས་པའི་འདོད་ཡོན། ནམ་མཁའ་ལྟ་བུར་ཀུན་ལ་ཁྱབ་ཅིང་སེམས་ལས་སྤྲུལ་ཏེ། སྟོན་པ་ལ་མཆོད་ནས་འདི
3b3 སྐད་ཅེས་གསོལ་ཏོ།། དོན་དམ་སེམས་ཉིད་སྐྱེ་བ་མེད་པ་ལ།། སྟོན་པ་དང་ནི་གནས་དང་འཁོར།། སྐྱེ་བའི་ཆོ་འཕྲུལ་འབྱུང་བ་ཅི།། ཞེས་གསོལ་ཏོ།། བཀའ་སྩལ་པ། ཆོས་ཀུན་རྩ་བ་སེམས་ཉིད་དེ།། རྩ་བ་དེ་ཉིད
3b4 སྟོན་པ་ལས།། གུད་ནས་བསྟན་པ་བཙལ་བ་མེད།། བདག་ཉིད་ཆེན་པོ་བྱང་ཆུབ་སེམས།། རྒྱུ་དང་འབྲས་བུར་བཅས་པའི་ཆོས།། བྱང་ཆུབ་སེམས་ལ་གནས་པ་ལས།། གུད་ན་གནས་པ་མ་ཡིན་ནོ།། དེ་ནི་གཞལ
3b5 ཡས་བྱང་ཆུབ་སེམས།། འཁོར་བའི་རྒྱུ་བསྟན་ཕུང་པོ་ལྔ།། འཁོར་བ་གནས་བསྒྱུར་ཕྱག་རྒྱ་ཡིན།། ཕྱག་རྒྱ་དེ་ཉིད་བྱང་ཆུབ་སེམས།། འབྱུང་བ་གནས་བསྒྱུར་ཡུམ་ལྔ་སྟེ།། ཡུམ་ལྔ་མ་ཆགས་བྱང་ཆུབ་སེམས།། རྣམ
3b6 ཤེས་འཁོར་བ་གནས་བསྒྱུར་སེམས་དཔའ་སྟེ།། དམིགས་པ་མེད་པའི་བྱང་ཆུབ་སེམས།། ཡུལ་བརྒྱད་འཁོར་བ་གནས་བསྒྱུར་སེམས་མ་སྟེ།། གནས་པ་མེད་པ་བྱང་ཆུབ་སེམས།། རྟག་ཆད་འཁོར་བ་གནས་བསྒྱུར་སྒོ
iiif viewer powered by OpenSeadragon
