| e-texts navigator |
| Wylie |
262a1 འཕེལ།། རྣལ་འབྱོར་དམ་ཅན་སྒྱིད་ལུགས་ནས།། ཐེག་པ་ཆེན་པོའི་ཆོས་སྒོ་འགག། འདི་དག་བསྒྲལ་བར་བྱས་ན་ནི།། རྣལ་འབྱོར་བསྒྲུབ་ལ་བར་ཆད་མེད།། ཐེག་པ་ཆེན་པོའི་མཐུ་ངར་བས།། ལེགས
262a2 པའི་ཡོན་ཏན་བརྗོད་ལས་འདས།། ཐབས་ཀྱི་ཐ་མའི་ཐ་མ་ནི།། ཏིང་ངེ་འཛིན་གྱི་རྩལ་ཆུང་ན།། འདི་དག་བསྒྲལ་བར་བྱས་ན་ནི།། དམྱལ་བའི་གནས་སུ་ཡུན་ཟུང་འགྱུར།། འདི་ནི་བསྒྲལ་བ་དམིགས་བསྟན་ལེའུ་གཉིས
262a3 པའོ།། །། རྣལ་འབྱོར་གང་དག་གིས་བྱ་བ།། འདི་དག་ཉིད་དུ་བཤད་པ་སྟེ།། དང་པོ་ཤེས་རབ་རྣམ་གསུམ་གྱིས།། གཏན་ཚིགས་དོན་ལ་ཡིད་ཆེས་ནས།། དེ་ནས་ངེས་པར་དབང་ཐོབ་སྟེ།། སྙིང་རྗེའི་སེམས་དང
262a4 ལྡན་པ་ཡིས།། ཁམས་གསུམ་འཁོར་བ་གཟུང་བར་བྱ།། དོན་འདི་དག་དང་མི་ལྡན་ཞིང་།། ངེས་པའི་ལུང་རྣམས་མ་ཐོབ་དང་།། མཁས་ལ་སྒྲོ་སྐུར་འདོགས་པ་དང་།། གསང་སྔགས་ཐེག་ཆེན་སྐུར
262a5 ད་བས་དང་།། རང་ཤེས་སྤྱད་ཚིག་ཚུལ་གནས་དང་།། དམ་ཚིག་ཉམས་པར་གྱུར་པ་དང་།། དོན་མེད་ཕྱལ་བར་གཏོང་བ་རྣམས།། འདི་ནི་རྣལ་འབྱོར་མ་ཡིན་ཏེ།། ལོག་པའི་ལམ་དུ་ཤེས་པར་བྱ།། དེ་ཡིས་སྤྱད་ཀྱང
262a6 ཡོང་མི་གྲུབ།། སླར་ལ་རང་སེམས་རླག་པ་དང་།། འབྲས་བུ་མནར་མེད་དམྱལ་བར་སྐྱེ།། འདི་དག་རྩོམ་པའི་རྣལ་འབྱོར་པས།། རིགས་ཀྱི་རྣལ་འབྱོར་གྲལ་དུ་སྨོས།། ཐེག་པ་བསམ་ཡས་སེམས་ལ་གསལ།། བལྟ་བ
iiif viewer powered by OpenSeadragon
