| e-texts navigator |
| Wylie |
260a1 ཡོན་ཏན་ནི།། མྱུར་བ་འགྲུབ་དང་ཤུགས་འབྱིན་དང་། ངན་པའི་ལས་ཀྱིས་ངན་པ་འགྲུབ།། དོན་ལ་ཐེ་ཚོམ་མེད་པར་ནི།། ངན་པའི་གནས་སུ་འགྲུབ་པར་བཤད།། བཀྲ་ཤིས་བཟང་པོའི་གནས་སུ
260a2 ནི།། ཡུན་རིང་བསྲིང་ན་ཕུང་འཚེངས་མེད།། དོན་ལ་དེས་ཀྱང་འགྲུབ་པར་བཤད།། བཟང་ངན་གནས་ཀྱི་ཆ་དབྱེ་བ།། བདག་གི་རྟོགས་པའི་ཚད་དང་སྦྱར།། རྟོགས་པ་ཆུང་ན་བཟང་པོ་བདམ།། ཏིང་འཛིན་ཟབ་ན་ངན་པ
260a3 བདམ།། མྱུར་བར་ཐོགས་པ་མེད་པར་ནི།། གང་ལ་དམིགས་པ་འགྲུབ་ཅེས་བཤད།། འདི་ནི་ཕུར་པ་གནས་བསྟན་པའི་ལེའུ་དང་པོའོ།། །། བསྒྲལ་བའི་དམིགས་རྣམས་བསྟན་པ་ནི།། ཀུན་ལ་བྱ་བ་གཞུང་ལ
260a4 མེད།། ཉམས་པར་གྱུར་པ་བདུན་ཡོད་དེ།། སྲོག་ལས་ཉམས་དང་དམ་ལས་ཉམས།། བཀའ་ལས་ཉམས་དང་དོན་ལས་ཉམས།། ལས་ཀྱི་ཉམས་དང་མཚན་མས་ཉམས།། འདོད་པ་འགྱུར་བས་ཉམས་པ་ནི།། འདི་ལ
260a5 ཉམས་པ་ཞེས་བྱ་སྟེ།། དེ་དག་སོ་སོའི་མཚན་ཉིད་ནི།། སྲོག་ལས་ཉམས་པའི་མཚན་ཉིད་ནི།། ཕ་དང་མ་དང་མཁན་པོ་གསོད།། སློབ་མ་གསོད་དང་ནང་དམེ་ཅན།། འདི་ནི་ནམ་ཡང་ལྷུང་བས་ན།། བསྒྲལ་བའི་དམིགས
260a6 ནི་འདི་ཡིན་ནོ།། དམ་ལས་ཉམས་པའི་མཚན་ཉིད་ནི།། རྡོ་རྗེ་སློབ་དཔོན་བཀའ་བསླུ་དང་།། ངན་སེམས་འཕྱ་སེམས་བྱེད་པ་དང་།། སྔགས་དང་ཕྱག་རྒྱ་རྒྱུན་གཅོད་དང་།། གསང་བའི་མན་ངག་གཞན་ལ་སྤེལ།། འདི་ནི
iiif viewer powered by OpenSeadragon
