| e-texts navigator |
| Wylie |
25b1 སོགས་པ་ངང་གིས་མི་གནས་པའི་དེ་བཞིན་ཉིད་དང་། དོན་དེ་ཉིད་ཀུན་ལ་ཁྱབ་ཅིང་གསལ་བའི་ཀུན་ཏུ་སྣང་གི་ཏིང་ངེ་འཛིན། སྙིང་རྗེ་ཆེན་པོ་དང་གསལ་བ་ཉིད་དུ་ཀུན་ལ་ཁྱབ་པ་ནི། ནམ་མཁའི་མཚན་ཉིད་ལྟ་བུ
25b2 ལ་མངོན་པར་འདུ་མཛད་དེ། ནམ་མཁའ་མཚན་མ་མེད་པ་ལས། མཚན་མའི་རྒྱུའི་སྙིང་པོ་ཡི་གེ་ཧཱུཾ་སྔོན་པོ།། ཡེ་ཤེས་ཅན་གྱི་འོད་དུ་འབར་བར་ཤར་ཏེ། དེས་རྣམ་པར་མི་རྟོག་པའི་ཡེ་ཤེས་འོད་དུ་མཚོན་ཅིང་འཛིན
25b3 རྟོག་ཟིལ་གྱིས་གནོན་པའི་ཏིང་ངེ་འཛིན་ཏོ།། སྲོག་གི་གོ་རུ་རྟོགས་པའི་ཧཱུཾ་དེ་ལས། སྣོད་ཀྱི་འཇིག་རྟེན་གཞལ་ཡས་ཁང་དུ་ཤར་བར་མཛད་པའི་ཕྱིར། མི་རྟོག་པ་ལ་གནས་པའི་ཧཱུཾ་དེ་ལས། ཆོ་འཕྲུལ་གྱི་སྒྲར་སྙིང་པོ
25b4 འདི་རྣམས་ཆེད་དུ་བརྗོད་དོ།། ཨེ་ཨགྣེ་ཛ་ལ་མཎྜ་ལ་ཨེ། ཡཾ་ཀརྨ་རཀྵ་ཧཾ། ར་རཀྟ་ས་མན་ཛ་ལ་མཎྜ་ལ། སུ་བཛྲ་སུ་མེ་རུ། ཀེང་ནི་རི་ཏི་ཀེང་། རཾ་ཛེ་ལ་རཾ། ཞེས་བསྒྲགས་པས། ཞེ་སྡང་འབར་བའི་ནམ་མཁའ
25b5 ལ།། ཕྲག་དོག་འབར་བའི་ཚུབས་མར་ལྡན།། ཆགས་པ་རཀྟའི་རྦ་ཀློང་འཁྱིལ།། གཏི་མུག་ཆེན་པོའི་ས་གཞི་ལ།། ང་རྒྱལ་ཆེན་པོའི་མེ་རི་འབར།། ཞེས་པ་སྟེ། དབང་ཆེན་ཡུམ་ལྔའི་ནམ་མཁའི་ངོ་བོར་ཤེས་པར
25b6 མཛད་པ་ནི། འབྱུང་བ་ཡུམ་གྱི་གཞལ་ཡས་ཁང་མངོན་པར་ཤར་བར་མཛད་དོ།། དེ་ལས་ཡང་བྷྲཱུཾ་བི་ཤྲ་བི་ཤུདྡྷེ་ཧཱུཾ་ཞེས་པས། ཡེ་ཤེས་ལྔ་ལྡན་རིན་ཆེན་ལྔ་ཡི་བརྩིག་པ་ལ།། ཕྱི་དང་ནང་མེད་ཀུན་ཏུ་སྣང་བར་མཛེས་པ
iiif viewer powered by OpenSeadragon
