| e-texts navigator |
| Wylie |
25a1 ཕྱིན་ཅི་ལོག་གིས་བཅིངས།། དངོས་པོར་རང་གར་ཞེན་པ་ཡིས།། གདུལ་དཀའ་མ་ལུས་འདུལ་བ་དང་།། དམ་ཚིག་ལ་སྡང་རྣམ་སྦྱོང་ཕྱིར།། དུར་ཁྲོད་གར་གྱི་ཕྱག་རྒྱར་མཛོད།། ཅེས་བགྲོས་སོ།། རྡོ་རྗེ
25a2 ཕུཕུར་པ་གསང་བའི་རྒྱུད་ཆེན་པོ་ལས།། ཞི་བས་མི་འདུལ་བར་དགོངས་ནས།། བདེ་བར་གཤེགས་པ་རྣམས་ཀྱིས་བཀའི་མོལ་བ་མཛད་པའི་ལེའུ་སྟེ་དགུ་པའོ།། །། དེ་ལྟར་བགྲོས་པས་རིགས་ལྔའི་བདེ་བར
25a3 གཤེགས་པ་དེ་དག་དགོངས་པ་གཅིག་ཏུ་གྱུར་ཏེ། ལོག་པའི་སྤྱོད་པ་ཅན་དངོས་པོའི་ལམ་ལ་མངོན་པར་འཆེལ་བ། མངོན་པའི་ང་རྒྱལ་གྱི་མཐུས་བསྙེམས་ནས། སངས་རྒྱས་ཀྱི་བསྟན་པ་ལ་མངོན་པར་མ་དད་པས།།
25a4 འཇིག་རྟེན་ཕུང་བར་བྱེད་པ་རྣམས། ཞི་བས་ཕན་པར་བྱེད་པའི་སྐལ་བ་ལ་མ་བབ་སྟེ། རོལ་པའི་མཛད་སྤྱོད་ཀྱིས་གདུལ་བར་གཟིག་ཏེ། ཐམས་ཅད་དགོང་པ་གཅིག་ཏུ་གྱུར་ཏོ།། དེ་ནས་བཅོམ་ལྡན་འདས་ཀྱིས་ཧཱུཾ
25a5 ཧཱུཾ་ཞེས་བརྗོད་པས། རིགས་ལྔའི་བདེ་བར་གཤེགས་པ་ལ་སོགས་པའི་འཁོར་ཐམས་ཅད་གནས་ཀྱི་དཀྱིལ་འཁོར་ལ་སོགས་ཐམས་ཅད་ཉིད་ཀྱི་ཐུགས་ཀར་བསྡུ་བ་མཛད་དེ། གཉིས་སུ་མེད་པའི་ཆོས་ཀྱི་དབྱིངས་ཀྱི
25a6 ང་དུ་མི་སྣང་བར་མཛད་ནས།། ཆོས་ཉིད་དེ་བཞིན་ཉིད་ལ་དམིགས་ཏེ་གནས་སོ།། རྣམ་པར་མི་རྟོག་པའི་ཡེ་ཤེས་ཀྱི་རྡོ་རྗེ་ཆེན་པོ་དེས། ཆོས་ཀྱི་དབྱིངས་དེ་ཁོ་ན་ཉིད་ལས་ཁྲོས་པས། ཉོན་མོངས་པ་ཞེ་སྡང་ལ
iiif viewer powered by OpenSeadragon
