| e-texts navigator |
| Wylie |
258b1 ལྡན་པར་བྱ།། ཕུར་པའི་རྒྱུ་ནི་གང་དང་གང་ལགས། ཕུར་པ་བསྒོམ་པ་ཅི་ལྟར་སྒོམ། བྱིན་གྱིས་བརླབ་པ་ཅི་ལྟར་རླབ། བརྡེག་པའི་དུས་ཚོད་གང་ལ་བབ་པ་ལགས། དམ་ཚིག་གང་དུ་བསྟན་པ་ལགས། ལྟ་བ་ཅི་ལ
258b2 དམིགས་པ་ལགས། ཡོ་བྱད་དང་རྫས་གང་འཚལ། རྟགས་དུ་ནས་འབྱུང་། འདི་བརྩམ་པའི་དགོས་ཆེད་དང་། ཡོན་ཏན་ཅི་ཐོབ། བཅོམ་ལྡན་འདས་ཀྱིས་བཤད་ཅིང་ལུང་བསྟན་དུ་གསོལ། ཀཱི་ལ་ཡ་ཡིས་བཀའ་སྩལ
258b3 པ།། ཉོན་ཅིག་ཀརྨ་ཧེ་རུ་ཀ། ཕུར་པ་བསྒྲུབ་པའི་གནས་རྣམས་ནི།། ཡང་དག་དོན་དུ་བཤད་པར་བྱ།། དང་པོར་གཞུང་དང་ལྡན་བྱས་ནས།། དུར་ཁྲོད་གནས་དང་ཤིང་གཅིག་དྲུང་།། རྒྱ་གྲམ་ལམ་དུ་བྱ་བ་དང་།། འབྱུང
258b4 པོ་མང་པོ་གང་ཡོད་སར།། དྲག་པོའི་ལས་འདི་བྱ་བར་གྱིས།། ལས་ལ་ཕན་འདོགས་ཡོད་པ་དང་།། གྲིམས་འབྱིན་ཤུགས་ཀྱིས་ཏིང་འཛིན་ལེགས།། དེ་ལ་ཐབས་དང་རྟགས་མེད་ན།། བདག་གི་གཟུགས་ཕུང་རླག་པ
258b5 དང་།། ཚེ་དང་སྲོག་གི་བར་ཆད་འོང་།། ནགས་ཚལ་ཆེན་པོའི་ནང་ན་བ།། དེར་ནི་ལེགས་པར་དཔྱད་པ་ཡིས།། ཀླུ་ཡི་མིག་དང་འབྱུང་པོའི་སྲང་།། ས་ཡི་བགེགས་དང་མ་རུངས་པ།། ཚ་སྒོ་དམྱལ་བའི་རྒྱུ་མེད་པར།། ལས
258b6 ཀྱི་བྱ་བ་གཞུང་བརྩམས་ནས།། བཀྲ་ཤིས་དོན་གྱི་གནས་ཡིན་པས།། སྒྲུབ་ཡུན་རིང་ན་བཀྲ་ཤིས་སོ།། མེ་ཏོག་གླིང་དང་རིན་ཆེན་རི།། དཔག་བསམ་ཤིང་དང་སྐད་སྙན་བྱ།། འབྲུ་སྣ་ཚོགས་དང་གནམ་ས
iiif viewer powered by OpenSeadragon
