| e-texts navigator |
| Wylie |
257b1 གསུངས་སོ།། རྡོ་རྗེ་ཕུར་པ་གསང་བ་མན་ངག་གི་རྒྱུད་ལས་སྟོན་པ་ལ་བསྟོད་པ་དང་།། སྡུད་པ་པོ་ལ་གཏད་པའི་ལེའུ་སྟེ་བཅོ་བརྒྱད་པའོ།། ། རྡོ་རྗེ་ཕུར་པ་རྩ་བ་མན་ངག་གི་རྒྱུད་གདམས་ངག་གི་བཅུད་སྟོན་པར
257b2 བྱེད་པ་རྫོགས་སོ།། །། @#།། རྒྱ་གར་སྐད་དུ། ཀི་ལ་ཡ་དྷ་ཤ་དཱ་ཡ་ཏནྟྲ་མ་ཧཱ་ཡཱ་ན། བོད་སྐད་དུ། ཕུར་བུ་བཅུ་གཉིས་འབྱུང་བའི་རྒྱུད་ཆེན་པོ་བསྟན་པའོ།། བཅོམ་ལྡན་འདས་འཇིགས་བྱེད
257b3 ཆེན་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན།། བཅོམ་ལྡན་འདས་ཁྲོ་བོ་འཇིགས་བྱེད་ཀྱི་རྒྱལ་པོ།། བཛྲ་ཀཱི་ལ་ཡ་དྲག་པོ་མཐིང་ནག་འབར་བའི་གནས་ན་བཞུགས་ནས།། གདུག་པ
257b4 ཅན་ཐམས་ཅད་འདུལ་བ། དྲེགས་པ་ཅན་ཐམས་ཅད་ཚར་བཅད་པའི་ཕྱིར། རབ་ཏུ་དྲག་པོ་མི་གཡོ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཉིད་ཀྱིས་བྱིན་རླབ་ལས།། ཀརྨ་ཧེ་རུ་ཀ་ཞེས་བརྗོད་པས།། ཁྲོ་བོ་ཀརྨ
257b5 ཧེ་རུ་ཀ། སྐུ་ལྗང་ནག་ཤིན་ཏུ་མི་བཟད་པ་བཏོན་ནས།། བཅོམ་ལྡན་འདས་བཛྲ་ཀཱི་ཀ་ལ་ཡ་ལ་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་འདས། ཆོས་ཐམས་ཅད་ཞི་བའི་ཏིང་ངེ་འཛིན་གྱིས་མི་འདུལ་ན། ཐུགས་རྗེ
257b6 གང་གིས་འདུལ་བའི་དུས་ལ་བབ་པར་ཤེས་པ་ལགས། གང་གིས་འདུལ་བའི་དུས་ལ་བབ་པར་གཟིགས་པ་ལགས།། ཁྲོ་བོ་ཆེན་པོས་ལུང་བསྟན་དུ་གསོལ།། བདེ་བར་གཤེགས་པ་ལུང་བསྟན་དུ་གསོལ།། ཐབས
iiif viewer powered by OpenSeadragon
