| e-texts navigator |
| Wylie |
257a1 ལས་རྣམས་བྱ།། སྦྱིན་སྲེག་དག་གི་རིམ་པའོ།། མནན་པའི་འཁོར་ལོ་བཅས་ནས་ནི།། ཏིང་འཛིན་ཆོ་ག་གོང་ལྟར་ཏེ།། ལྷ་རྣམས་ཀུན་ཀྱང་རྟ་མགྲིན་བསྒྱུར།། ཨོཾ་བཛྲ་ཀི་ལི་ཀཱི་ལ་ཡ་ཧ་ཡ་གྲཱི་ཝ་ཧུ་ལུ་ཧུ་ལུ
257a2 སརྦ་བིགྷྣཱན་བཾ་ཧཱུཾ་ཕཊ། འོད་འཕྲོས་བསམ་གྱིས་མི་ཁྱབ་པས།། དགུག་དང་བསྟིམ་སྟེ་བཅིང་བྱས་ནས།། མཚན་ངན་ཐོད་པར་བཅུག་ལ་བཏབ།། ཐུན་སྔགས་བྲབ་སྟེ་མནན་བྱས་ལ།། རིམ་པར་གཡོགས་ཏེ་སྔགས་ཀྱིས
257a3 མནན།། འཕང་བ་ཐུན་གྱི་ལས་རྣམས་ནི།། རྫས་དང་སྔགས་དང་ཏིང་ངེ་འཛིན།། དེ་ལྡན་པས་ནི་བྱ་བར་བཤད།། གཞན་ཡང་ནཱ་ག་ཀླུ་འདུལ་དང་།། ཚེ་དང་བྱིན་རླབ་ལ་སོགས་པ།། ཀུན་ཀྱང་འདི་ཡིས་འགྲུབ
257a4 པར་བྱེད།། ཅེས་གསུངས་སོ།། རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས། ལས་ཀྱི་མཇུག་བསྡུ་བའི་ལེའུ་སྟེ་བཅུ་བདུན་པའོ།། །། དེ་ནས་འདུས་པའི་ཚོགས་ཀྱིས་ཀྱང་།། བཅོམ་ལྡན་འདས་ལ་རབ་བསྟོད
257a5 པ།། ཨེ་མ་ཧོ།། ཆོས་ཀྱི་དབྱིངས་ལས་འབར་བའི་སྐུར་སྣང་ཞིང་།། སངས་རྒྱས་ཀུན་དང་ཡེ་ཤེས་རྫོགས་པའི་སྐུ།། རྒྱལ་བའི་སྦྲུལ་སྒྲ་ཕྲིན་ལས་རྫོགས་མཛད་ཅིང་།། དཔའ་སྒེག་འཇིགས་པའི་སྐུ་ལ་ཕྱག་འཚལ
257a6 འདུད།། ཅེས་བསྟོད་དོ། བཅོམ་ལྡན་འདས་ཀྱིས་སྡུད་པ་པོ་ལ་བཀའ་སྩལ་པ།། ཉོན་ཅིག་གཟུང་ཞིག་ཀཱི་ལ་ཡ།། སྙིང་པོ་བསྡུས་པ་མན་ངག་རྒྱུད།། རྡོ་རྗེ་ཕུར་པ་གསང་བའི་དོན།། ཁྱོད་ཉིད་ལ་ནི་གཏད་པར་བྱའོ།། ཞེས
iiif viewer powered by OpenSeadragon
