| e-texts navigator |
| Wylie |
256b1 འགྱུར།། རྒོད་ན་སྐྱེ་མེད་བདེ་བ་ཆེ།། དབུགས་དང་ཤེས་པ་ཡིག་འབྲུར་འགྲོགས།། ཕར་འཕྲོས་ཡུལ་སྟོངས་འདུས་པ་བདེ།། འཕྲོ་ན་བདེ་ཆེན་བསྐོར་ལྡོག་ཅིང་།། བྱ་འཕུར་མཁའ་ལ་བདེ་བ་ལྟར།། ཚུར་བསྟིམས་བསྐོར
256b2 ཞིང་ལྡོག་སྟེ་བཟླས།། བྱེད་ན་ཁྲོ་བོའི་བཟླས་པ་ནི།། ཏིང་ངེ་འཛིན་དང་ལྡན་པས་བཟླས།། མཚན་མ་ཅན་གྱི་བཟླས་པ་ནི།། མགལ་མེ་གླད་ལ་བསྐོར་བ་བཞིན།། གསེར་གྱི་བ་ཐག་གཟིངས་པ་དང་།། བུང་ཚང་བཤིག་པ
256b3 ཇི་བཞིན་དུ།། མགར་གྱི་ཚྭ་ཚྭ་གདབ་པ་ལྟར།། ཡང་ན་དབྱངས་དང་ཕྲིན་ལས་དང་།། ཆོས་ཉིད་ནུས་པ་ལྡན་པར་བྱ།། ཞེས་གསུངས་སོ།། རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས་མཛབ་ཀྱི་དགོངས་པའི་ལེའུ་སྟེ
256b4 བཅུ་དྲུག་པའོ།། །། དེ་ནས་ཐུགས་ཀྱི་སྲས་མཆོག་དེས།། མནན་བསྲེག་འཕང་བའི་དོན་རྣམས་ཞུས།། བཅོམ་ལྡན་འདས་ཀྱིས་བཀའ་སྩལ་པ།། སྦྱིན་སྲེག་ཟབ་ཁུང་གྲུ་གསུམ་དུ།། ཚེར་མ་ཅན་གྱི་ཤིང་རྣམས
256b5 བཙིར།། མཆོད་པའི་རྫས་དང་སྲེག་པའི་རྫས།། གཏོར་མ་དག་དང་ལིངྒར་བཅས།། དྲག་པོའི་ཆ་ལུགས་རྫོགས་བྱས་ཏེ།། མཚམས་གཅོད་དགུག་གཞུག་བསྟིམ་ནས་ནི།། ཧོམ་ཁུང་མཐིང་ནག་གཞལ་ཡས་སུ།། མེ་ལྷ
256b6 དམར་སེར་ཕུར་པ་འཛིན།། དགུག་ཅིང་མཆོད་དང་བསྟོད་བྱས་ལ།། ལྟོ་བར་རྩིབས་བརྒྱད་གཞལ་ཡས་ཁང་།། ལྷ་ཚོགས་བསྐྱེད་པའི་ཆོ་ག་གཞུང་།། སྤྱན་དྲང་མཆོད་དང་སྲེག་རྫས་དབུལ།། གཤེགས་ཤིང་མཇུག་གི
iiif viewer powered by OpenSeadragon
