| e-texts navigator |
| Wylie |
256a1 གདགས་དང་ཀུ་ཤ་རྨི་ལམ་བརྟག། དེ་ནས་ཐིག་དང་ཚོན་བྲི་ཞིང་།། རྒྱན་དང་རྫས་དགོད་ལས་གཞུང་བསྲང་།། གདོང་གཡོགས་གསོལ་གདབ་འཇུག་པར་ཞུ།། ལྷ་ལ་གསོལ་གདབ་མེ་ཏོག་དབུལ།། དྲིས
256a2 ལན་ཡོན་ཀྱང་ཁས་སུ་བླང་།། དཀྱིལ་འཁོར་བསྐོར་ལ་བགེགས་བསྐྲད་ཅིང་།། དམ་ཆུ་བླུད་ནས་དམ་ཚིག། མེ་ཏོག་དོར་ལ་ལྷ་དབོག་ཅིང་།། གསང་བའི་མཚན་གདགས་དྲི་བ་བྱ།། བསྟིམ་དང་ཡེ་ཤེས་དབབ་དགྲོལ
256a3 བསྟིམ།། དབང་གི་སྟེགས་འདུག་གུས་དང་ལྡན།། དབང་བསྐུར་བ་ནི་བུམ་པ་དང་།། དབུ་རྒྱན་རྡོ་རྗེ་དྲིལ་བུ་སྟེ།། སངས་རྒྱས་ཡབ་ཡུམ་ལ་སོགས་ལྷ། དུར་ཁྲོད་ཆས་བརྒྱད་འདོད་ཡོན་ལྔ།། ཡེ་ཤེས་དབང་བསྐུར་བྱིན
256a4 གྱིས་བརླབ།། བཀྲ་ཤིས་བརྗོད་ཅིང་སྨོན་ལམ་གདབ།། ཡོན་དབུལ་དགེ་བའི་རྩ་བ་བསྔོ།། དབང་དང་བྱིན་རླབ་འདིར་སྩོལ་འགྱུར།། ཞེས་གསུངས་སོ།། རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས་རིན་ཆེན་དབང་གི
256a5 ཕྲེང་བའི་ལེའུ་སྟེ་བཅོ་ལྔ་པའོ།། །། དེ་ནས་ཐུགས་ཀྱི་སྲས་མཆོག་དེས།། མཛབ་དགོངས་རྒྱུན་གྱི་ཏིང་འཛིན་ཞུས།། བཅོམ་ལྡན་འདས་ཀྱིས་བཀའ་སྩལ་པ།། ཀི་ལ་ཡ་ཡི་བསྙེན་པ་དང་།། མཚན་མ་རྟགས་ཀྱི
256a6 བསྙེན་པ་སྟེ།། བསྐྱེད་དང་རྫོགས་པའི་རིམ་གཉིས་ལས།། རྫོགས་པའི་རིམ་པ་རྣམ་བཞིའི་དོན།། རྨུགས་ན་ཆོས་ཉིད་ཨ་དཀར་ལ།། གཏད་ལ་རང་སེམས་བཟུང་བས་བཟླས།། དེས་ནི་ཏིང་འཛིན་ཟིན་པར
iiif viewer powered by OpenSeadragon
