| e-texts navigator |
| Wylie |
255b1 དུ་བརླག་པ་དང་།། མཚོན་གྱིས་གཏུབ་དང་ཐུན་གྱིས་བྲབ།། ཀུན་གྱིས་ཁོང་ཁྲག་གདགས་པར་བྱ།། མཇུག་ཏུ་ཞལ་དུ་གདབ་བྱ་བ།། བདག་ཉིད་ཆེན་པོའི་དུས་ལ་བབ།། ང་ཡི་དབང་དུ་གྱུར་ནས་ཀྱང་།། བསྒོ་བའི
255b2 བཀའ་ནི་ཉན་པར་གྱིས།། བིནྣ་ཡ་བིནྡྷནྣ་ཡ་ཧཱུཾ་ཕཊ། བཛྲ་ཡཀྵ་ཀྲོ་དྷ་ཁཱ་ཧི་ཧ་ཧ། ཆོས་ཉིད་ཀྱི་བདེན་པའོ།། ཆོས་ཉིད་ཀྱི་བྱིན་གྱིས་བརླབས་སོ།། གསང་སྔགས་ཀྱི་མཐུའོ།། ཨ་བྷི་ཙཨཱརྱའི་དུས་ལ་བབ་པ་རྣམས་ཀྱིས་བརྣག
255b3 པའོ།། ཨོཾ་བཛྲ་ཀཱི་ལི་ཀཱི་ལ་ཡ་ཉི་ཤུ་རྩ་གཅིག་བཟླས་སོ།། ཧཱུཾ་ཧཱུཾ་ཞེས་པ་ཉི་ཤུ་རྩ་གཅིག་བཟླས་པར་བྱའོ།། དཀར་ནག་གི་མཚམས་སུའོ།། ཀཱི་ལི་ཀཱི་ལ་ཡ་ཞེས་པ་རྒྱ་རྩ་བརྒྱད་བཟླས་པ་བྱའོ།། དཀར་ནག་གི་མཚམས
255b4 སུའོ།། ཧཱུཾ་ཧཱུཾ་ཕཊ་ཕཊ། ཅེས་བཟླས་པ་བྱའོ།། ཞེས་གསུངས་སོ།། རྡོ་རྗེ་ཕུར་པ་རྩ་བ་གདམས་ངག་གི་རྒྱུད་ལས་གབ་པའི་དོན་གཏན་ལ་དབབ་པའི་ལེའུ་སྟེ་བཅུ་བཞི་པའོ།། །། དེ་ནས་ཐུགས་ཀྱི་སྲས་མཆོག
255b5 དེས།། དབང་རྣམས་བསྐུར་བའི་རིམ་པ་ཞུས།། བཅོམ་ལྡན་འདས་ཀྱིས་བཀའ་སྩལ་པ།། རྡོ་རྗེ་སློབ་དཔོན་རབ་མཆོག་གིས།། བཀྲ་ཤིས་གཞུང་མཐུན་ཉམས་དགའི་གནས།། བཤགས་སྐོང་ལ་སོགས་ས་ཆོག
255b6 དང་།། དཀྱིལ་འཁོར་མཆོད་བུམ་ལ་བརྟེན་པའི།། གཞུང་བསྲང་བསྙེན་པའི་ཆོ་ག་བྱ།། སྟ་གོན་ལྷ་བསྐྱེད་ཆོ་ག་གཞུང་བསྲང་།། གསོལ་གདབ་གནང་ཞིང་མཎྜལ་འབུལ།། སོ་ཤིང་དོར་ནས་ཆོས་བཤད་ཅིང་།། སྲུང་སྐུད
iiif viewer powered by OpenSeadragon
