| e-texts navigator |
| Wylie |
253a1 ཆད་བསྲུང་དུ་གསོལ།། བདག་ཉིད་ཆེན་མོའི་དུས་ལ་བབ།། ལྷག་མའི་གཏོར་མ་བཞེས་སུ་གསོལ།། བཀའ་ཡི་གཏོར་མ་འདི་བཞེས་ལ།། རྣལ་འབྱོར་བར་ཆད་བསྲུང་དུ་གསོལ།། ཞེས་གསུངས
253a2 སོ།། རྡོ་རྗེ་ཕུར་པ་གསང་བ་གདམས་ངག་གི་རྒྱུད་ལས་སྤྱན་དྲངས་ཤིང་མཆོད་པའི་ལེའུ་སྟེ་དྲུག་པའོ།། །། དེ་ནས་ཐུགས་ཀྱི་སྲས་མཆོག་དེས།། བསྙེན་པའི་དོན་རྣམས་ཞུས་པ་ལས།། བཅོམ་ལྡན་འདས་ཀྱིས
253a3 བཀའ་སྩལ་པ།། སྙིང་རྗེས་བསྒྲལ་བའི་དམ་ཚིག་ནི།། བསད་ཅིང་མནན་པ་མ་ཡིན་ཏེ།། ཕུང་པོ་རྡོ་རྗེས་གཏམས་བྱས་ནས།། རྣམ་པར་ཤེས་པ་རྡོ་རྗེར་བསྒོམ།། ཨོཾ་བཛྲ་ཀི་ལི་ཀཱི་ལ་ཡ་སརྦ་བིགྷ་ནཱན་བཾ་ཧཱུཾ་ཕཊ། ཨོཾ་བཛྲ
253a4 ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོ།། ཀ་ཏཾ་ཀ་ཡེ་ཛ་ཡེ་བི་ཛ་ཡེ། ཨ་ཙི་ཏི་ཨ་པ་ར་ཙི་ཏི་མ་ར་ས་ན་པྲ་མརྡྷ་ན་ཡ་ཧཱུཾ་ཕཊ། ཧ་ས་ཡ་ར་ཧྲྀ་ད་ཡ་ན་ཧཱུཾ་ཕཊ། ཨཱ་བེ་ཤ་ཡ། ཨཱ་བེ་ཤ་ཡ་ཧཱུཾ་ཕཊ། ཤི་ཀྲིན་ཨཱ་ན་ཡ་ཧཱུཾ་ཕཊ། ཛ་ལ་པ་ཡ་ཛ་པ
253a5 ཡ་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། བིནྡྷ་ཡ་བིནྡྷ་ཡ་ཧཱུཾ་ཕཊ། རྡོ་རྗེ་གཞོན་ནུའི་རིག་འཛིན་རྣམས།། སྲིད་པ་རྡོ་རྗེ་གྲུབ་མཛོད་ཅིག། སྲིད་པ་རྡོ་རྗེ་ཕུར་པའི་ལྷ།། ཡེ་ཤེས་ཁྲོ་བོ་གྲུབ་པར་མཛོད།། ཅེས་གསུང་སོ།། རྡོ་རྗེ
253a6 ཕུར་པ་གསང་བ་མན་ངག་གི་རྒྱུད་ལས་བསྙེན་པ་རྣམ་པར་གསུམ་བསྟན་པའི་ལེའུ་སྟེ་བདུན་པའོ།། །། དེ་ནས་ཐུགས་ཀྱི་སྲས་མཆོག་དེས།། སྒྲུབ་པ་ཆེན་པོའི་དུས་རྣམས་ཞུས།། བཅོམ་ལྡན་འདས་ཀྱིས
iiif viewer powered by OpenSeadragon
