| e-texts navigator |
| Wylie |
24a1 གྱིས།། འགྲོ་རྣམས་ཐལ་རློག་འཇིགས་བྱེད་འདི།། གདུལ་བར་བྱ་བའི་འོས་མཆོག་སྟེ།། སྙིང་རྗེའི་བདག་པོ་ཀུན་འདུས་ལ།། སྡུག་བསྔལ་ལམ་གྱི་རྒྱུན་བཅད་དེ།། བདེ་ཆེན་ས་ལ་གཞག་པར
24a2 རིགས།། ཞེས་གསོལ་ཏོ།། བདེ་བར་གཤེགས་པ་རྣམས་ཀྱིས། བསྐུལ་བའི་དོན་དེ་ཐུགས་སུ་ཆུད་དེ། ཞི་བ་དང་བདེན་པས་མི་འདུལ་བར་དགོངས་ནས། འགྲོ་བ་དང་ཚུལ་བསྟུན་ཏེ་གདན་ཚོགས་ཆེན་པོ་བཅས་ཏེ།
24a3 འདི་སྐད་དག་གི་འགྲོ་བ་མཛད་དེ། བཅོམ་ལྡན་འདས་ཞེ་སྡང་ཆེན་པོའི་ཚོགས་ཀྱིས་བགྲོས་པ།། ཀྱེ་འདུས་པའི་ཚོགས་ཆེན་པོ་དག། འདས་པའི་དུས་ནས་སྔོན་བྱུང་ལྟར།། ད་ལྟར་དུས་འདིར་བྱུང་བ་སྟེ།། བདེ
24a4 བཞིན་གཤེགས་པའི་གསུང་རབ་ལས།། བདག་ཉིད་ཆེན་པོ་རྟག་པ་ཡིས།། ཁྲོ་བོའི་ཚུལ་དུ་སྔོན་བྱུང་བ།། དེ་ཚེ་སེམས་ཅན་ཐམས་ཅད་ནི།། ཤིན་ཏུ་ཁྲོ་དྲག་གཏུམ་པ་ཡིས།། འོ་དོད་འབོད་པར་ལྟུང་བར་འགྱུར།། མི
24a5 བཟད་ཆེན་པོས་སྡུག་བསྔལ་ཏེ།། དུག་གསུམ་ས་ལ་མངོན་ཞེན་པའི།། ཇི་ལྟ་བ་ཡི་ཐབས་ཀྱིས་གདུལ།། ཞེས་བགྲོས་སོ།། བཅོམ་ལྡན་གཏི་མུག་ཆེན་པོའི་ཚོགས་ཀྱིས་བགྲོས་པ།། ཤིན་ཏུ་གཏུམ་པའི་སེམས་ཅན
24a6 དེ།། ཇི་ལྟར་དེ་དག་བཞག་གྱུར་ན།། བག་ཆགས་ངན་པའི་ཆུ་རླན་གྱིས།། བདུད་ཀྱི་ཚོགས་སུ་མངོན་འཕེན་ནས།། རིག་འཛིན་པ་ཡི་རྒྱུད་གཅོད་ཅིང་།། བསྟན་པའི་གསུང་རབ་འཇིག་འགྱུར་བས།། དེ་ཚེ་ལས་ཀྱི
iiif viewer powered by OpenSeadragon
