| e-texts navigator |
| Wylie |
249b1 བཛྲ་ཀུ་མཱ་ར་ན་མཿསརྦ་བིགྷྣཱན་བཾ་ཧཱུཾ་ཀཱི་ལ་ཡ་ཛ་ཧཱུཾ་བཾ་ཧོཿ། ཨ་ལ་ལ་ཧོ་ཞེས་གསོལ་པས། བཅོམ་ལྡན་འདས་ཀྱིས་དྲག་པོ་ཆེན་པོའི་ཏིང་ངེ་འཛིན་གྱིས་སྲིད་པ་ཐམས་ཅད་རྡོ་རྗེར་གྲུབ་པར་མཛད་དེ། འབར་བའི་ཁྲོ
249b2 བོ་ཤ་སྟག་པས།། གཏུམ་པ་དང་། རྔམ་པ་དང་། བརྟུལ་ཞུགས་ཀྱིས་གདུག་པའི་ཚོགས་རྣམས་དབང་དུ་བསྡུ་བ་དང་། ཚར་བཅད་ནས་སླར་ཆོས་ཀྱི་དབྱིངས་སུ་བསྡུ་བར་མཛད་དོ།། རྡོ་རྗེ་ཕུར་པ་གསང་བ
249b3 གདམས་ངག་གི་རྒྱུད་ལས་གླེང་གཞིའི་ལེའུ་སྟེ་དང་པོའོ།། །། དེ་ནས་ཐུགས་ཀྱི་སྲས་མཆོག་བཛྲ་ཀཱི་ལ་ཡས། བཅོམ་ལྡན་འདས་ལ་མཆོད་ཅིང་བསྟོད་ནས། འདི་སྐད་ཅེས་གསོལ་ཏོ།། ཨེ་མ་ཧོ། བཅོམ་ལྡན
249b4 དཔལ་ཆེན་གྱིས།། གདམས་ངག་གསང་བའི་རྒྱུད་ཆེན་པོ།། མ་འོངས་པ་ཡི་དོན་ཆེད་དུ།། འཁོར་རྣམས་ལ་ནི་བཤད་དུ་གསོལ།། ཞེས་ཞུས་སོ།། བཅོམ་ལྡན་འདས་ཀྱི་བཀའ་སྩལ་པ།། ཉོན་ཅིག་བཛྲ་ཀི་ལ་ཡ།། སྙིང་རྗེ
249b5 བསྒྲལ་བའི་དམ་ཚིག་སྟེ།། བསད་ཅིང་མནན་པ་མ་ཡིན་ཏེ།། རྣམ་ཤེས་གནས་སུ་དག་ཕྱིར་བཤད།། ཅེས་གསུང་སོ།། དེ་ནས་ཡང་བཀའ་སྩལ་པ།། རྒྱུད་འདི་དམིགས་པའི་ཡུལ་དང་ནི།། སྒྲུབ་པའི་ཐབས་ཀྱི་རིམ་པ
249b6 དང་།། གྲུབ་པའི་འབྲས་བུ་དག་དང་གསུམ།། མན་ངག་བདག་གི་བཤད་ཀྱི་ཉོན།། ཞེས་གསུངས་སོ།། རྡོ་རྗེ་ཕུར་པ་གསང་བ་གདམ་ངག་གི་རྒྱུད་ལས་གླེང་བསླང་བའི་ལེའུ་སྟེ་གཉིས་པའོ།། །། དེ་ནས་ཐུགས
iiif viewer powered by OpenSeadragon
