| e-texts navigator |
| Wylie |
249a1 འབར་བའི་གཞལ་ཡས་ཁང་། རང་སྣང་གསལ་བའི་དཀྱིལ་འཁོར་གྲུ་གསུམ་ཨེའི་དཀྱིལ་འཁོར་ན། ཀེང་རུས་གསར་རྙིང་བརྩེགས་པའི་རི་རབ་ཀྱི་སྟེང་། མེ་རི་འབར་བའི་ཀློང་། རྡོ་རྗེ་བྲག་ཆེན
249a2 གཏམས་པའི་མཎྜལ་ན། རྒྱུ་རིན་པོ་ཆེ་དང་ཐོད་པ་གསར་རྙིང་ལས་གྲུབ་པ། དྲག་པོ་འབར་བའི་གཞལ་ཡས་ཁང་། རྩིབས་བརྒྱད་ལ་སྒོ་བཞི་པ་དུར་ཁྲོད་ཀྱི་རྒྱན་རྣམ་པ་སྣ་ཚོགས་པས་བཀླུབས་པར། བདུད་དང
249a3 ཕྱོགས་སྐྱོང་དང་ཉི་ཟླའི་གདན་ལ་རབ་ཏུ་བཞུགས་ཏེ། ཐུགས་ཀྱི་སྲས་མཆོག་བཛྲ་འདུས་པ་དང་། ཁྲོ་བོ་དང་། ཁྲོ་མོ་དང་། ཟ་བྱེད་དང་། གསོད་བྱེད་དང་། སྤྲུལ་པ་དང་། ཡང་སྦྲུལ་བརྗོད་ཀྱིས་མི་ལང་བ་དང་།
249a4 གཞན་ཡང་དུར་ཁྲོད་ཀྱི་ཅེ་སྤྱང་དང་།། ཟངས་ཀྱི་ཝ་མོ་དང་། ལྕགས་ཀྱི་སྦྲང་མོ་དང་། དུར་ཁྲོད་ཀྱི་ཁྱི་དང་། རྡོ་རྗེ་ལྷ་མོ་ཡ་བྱིན་དང་། དེ་བྱིན་དང་། ཆུ་བྱིན་དང་། ཕག་བྱིན་དང་། ནག་མོའི་ཚོགས་རེ་མ་ཏི་དང་། རེ
249a5 མ་ཛི་དང་། རེ་མ་ཛ་དང་། རེ་མ་ཛུ་དང་། གཞན་ཡང་དུར་ཁྲོད་ཀྱི་མ་བདུན་དང་། སྲིང་མོ་བཞི་དང་།། སྐྱེས་མཆོག་ཕོ་མོ་དང་།། རྡོ་རྗེ་རིགས་ཀྱི་མཁའ་འགྲོ་དང་། རིན་པོ་ཆེ་དང་། པདྨའི་རིགས་དང་། ལས་ཀྱི
249a6 རིགས་ཀྱི་མཁའ་འགྲོའི་ཚོགས་རབ་ཏུ་མང་པོ་དང་། ཐབས་ཅིག་ཏུ་བཞུགས་ཏེ། དེའི་ཚེ་ཐུགས་ཀྱི་སྲས་མཆོག་བཛྲ་ཀཱི་ལ་ཡ་འདིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཨེ་མ་ཧོ།། གུ་ཧྱ་བྷ་ག་ཝཱན། ཤྲི
iiif viewer powered by OpenSeadragon
