| e-texts navigator |
| Wylie |
248b1 ངོ་།། དོན་ཐམས་ཅད་ལྷུན་གྱིས་གྲུབ་པར་བྱའོ།། ཞེས་གསོལ་ཏེ་འཁོར་དང་བཅས་པ་རྗེས་སུ་ཡི་རངས་ཏེ་མངོན་པར་བསྟོད་དོ།། བཅོམ་ལྡན་འདས་ཟག་པ་མེད་པའི་ཏིང་ངེ་འཛིན་ལ་སྙོམས་པར་ཞུགས་ཏེ། ཆོ
248b2 འཕྲུལ་སླར་བཏུལ་ཏེ་གནས་པར་གྱུར་ཏོ།། རྡོ་རྗེ་ཕུར་པ་གསང་བའི་སྔགས་རྒྱུད་ལས་གཏད་ཅིང་བཟུང་བའི་ལེའུ་སྟེ་བཅུ་དྲུག་པའོ།། །། ཨུ་རྒྱན་གྱི་མཁན་པོ་པདྨ་ཐོད་ཕྲེང་གིས།། བི་དྱོཏྟ་མ་འབུམ་སྡེའི་ཏནྟྲ
248b3 ལས་ཕྱུང་བ། བོད་ཡུལ་དབུས་ཀྱི་བསམ་ཡས་བདུད་འདུལ་སྔགས་པའི་གླིང་དུ། ལྕེ་ཛྙཱ་ཀུ་ཀུ་ར་དང་། བྲང་ཏི་ཛ་ཡ་རཀྵི་ཏས་བསྒྱུར་ཏེ། མཁར་ཆེན་བཟའ་འཚོ་རྒྱལ་ལ་གཏད་ཅིང་གདམས་པ། རྡོ་རྗེ་ཕུར་པ་གསང
248b4 བའི་སྔགས་རྒྱུད་ལས་གསང་བའི་ཕྲིན་ལས་རྫོགས་པ་འབྱུང་པོ་ཀུན་འདུལ་ཞེས་བྱ་བའི་རྒྱུད་རྫོགས་སོ།། །། @#།། རྒྱ་གར་སྐད་དུ། བཛྲ་ཀི་ལ་ཡ་གུ་ཧྱ་ཏནྟྲ་ཨུ་པ་དེ་ཤ། བོད་སྐད་དུ། རྡོ་རྗེ
248b5 ཕུར་པ་གསང་བ་གདམས་ངག་ཅན་གྱི་རྒྱུད། བཅོམ་ལྡན་འདས་དཔལ་བཛྲ་ཀཱི་ལ་ཡ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་རྡོ་རྗེ་གཞོན་ནུ་སྐུ་གསུང་ཐུགས
248b6 ཡོན་ཏན་ཕྲིན་ལས་ལྷུན་གྱིས་གྲུབ་པའི་བདག་ཉིད་སངས་རྒྱས་ཀུན་གྱི་ཡེ་ཤེས་སྐུ་ཅན་དེ། ཆོས་ཀྱི་དབྱིངས་ཀྱི་ངང་ཉིད་ལས།། འབར་བའི་ཁྲོ་བོ་ཤིན་ཏུ་མི་བཟད་པ། སྐུ་ཡི་དབྱིག་ཏུ་གྱུར་པར་བཞེངས་ཏེ། ཡེ་ཤེས
iiif viewer powered by OpenSeadragon
