| e-texts navigator |
| Wylie |
248a1 མནན་ཅིང་བྲུབ་པ་ལས་ཀྱི་ལེའུ་སྟེ་བཅོ་ལྔ་པའོ།། །། དེ་ནས་ཞེ་སྡང་གི་རྒྱལ་པོ་དཔལ་རྡོ་རྗེ་གཞོན་ནུས། སེམས་དཔའ་ཆེན་པོ་ལ། བསྟན་པ་བཟུང་བ་གཏད་པ་འདི་གསུངས་སོ།། ཀྱེ་ཀྱེ
248a2 གསང་བའི་བདག་པོ་དཔལ།། སེམས་དཔའ་ཆེན་པོའི་རིག་འཛིན་རྣམས།། བསྟན་པ་དུས་ཀྱི་ཐ་མའི་ཚེ།། ལྔ་བརྒྱ་དུས་ཀྱི་སྙིགས་མ་ལ།། སེམས་ཅན་ཉོན་མོངས་སྙིགས་མ་རྒྱས།། དེ་རུ་ལོག་པ་རྣམ་གསུམ
248a3 གྱི།། བསྟན་པ་དར་ཞིང་ཐར་ལམ་བགེགས།། རྣལ་འབྱོར་ཅན་རྣམས་སླུ་བར་བྱེད།། དངོས་གྲུབ་ཐོབ་པའི་བར་དུ་གཅོད། སེམས་ཅན་ཁ་ལོ་ལོག་པར་སྒྱུར།། ཀུན་ཀྱང་མ་རུངས་ཕུང་བར་བྱེད།། དེ་རུ་སྐལ་ལྡན་དོན
248a4 ཡོད་ཅིང་།། དངོས་གྲུབ་ཐོད་དང་རྟགས་ཕྱིན་དང་།། དཔལ་འཕེལ་དབང་ཐང་དར་བ་དང་།། འབྲུ་དང་བང་མཛོད་ལྡན་པ་དང་།། བདེ་སྐྱིད་བསམ་པ་འགྲུབ་འདོད་པས།། རྡོ་རྗེ་ཕུར་པ་སྔགས་ཀྱི་རྒྱུད།། ཕྲིན་ལས
248a5 གསང་བ་རྫོགས་པའི་ལུང་།། འབར་བའི་ཁྲོ་བོ་རོལ་པ་འདི།། སྤྱད་ཅིང་ཟུང་དུ་གཟུང་བར་གྱིས།། ཞེས་གསུངས་ཏེ་ཅང་མི་གསུང་བར་བཞུགས་སོ།། སེམས་དཔའ་ཆེན་པོས་གསོལ་པ། བཅོམ་ལྡན་འདས་ཞེ་སྡང་གི
248a6 བདག་པོ་ཆེན་པོ། མ་འོངས་པ་དོན་ཡོད་པར་བྱ་བའི་ཕྱིར།། ཁྲོ་མོ་འབར་བའི་གཏུན་ཁུང་དང་།། ཁྲོ་བོ་འབར་བའི་གཏུན་ཚོགས།། གཏུན་ཁུང་རྡོ་རྗེ་ཐོ་བ་བཀའ་སྩལ་པ་ངོ་མཚར་རོ།། ཨ་ལ་ལ་ཧོ།། རྗེས་སུ་ཡི་རང
iiif viewer powered by OpenSeadragon
