| e-texts navigator |
| Wylie |
247a1 མགོར།། མ་གནས་མལ་གྱི་འོག་ཏུ་མནན།། རིགས་ཚན་གནས་པའི་དུར་སྲི་ནི།། སེ་བྱ་གྲུན་པ་ཝ་ཟོད་དུ།། དུར་གྱི་འདབས་སུ་གནན་པར་བྱ།། རྣལ་འབྱོར་ཕོ་མོའི་དམ་སྲི་ནི།། མི་ཕག་ར་ཁྱིའི་སོག
247a2 པ་ལ།། མཆོད་རྟེན་དཀྱིལ་འཁོར་འོག་ཏུ་མནན།། དབྱལ་མོ་གོང་གི་སྲི་ཅན་ནི།། ཁྱི་དཀར་ཤ་བའི་ཐོད་པ་རུ།། ལམ་དང་ལ་བཙས་ཆེན་པོར་མནན།། ནོར་ཕྱུགས་གོད་འགྲམས་གོད་སྲི་ནི།། ལུ་གུ་བེའུ་རིའུ་ཐོད
247a3 དུ།། ནོར་ཕྱུགས་གནས་པའི་ར་བར་གནན།། ཕུང་བར་བྱེད་པའི་སྲི་ཅན་ནི།། ཚེ་རབས་སྔོན་གྱི་ལན་ཆགས་འདོད།། དུས་འདི་ཉིད་དུ་འབབ་པར་འགྱུར།། རྣལ་འབྱོར་རྣམས་ཀྱི་སྐུ་དགྲར་འགྱུར།། སྲི་ཅན་བསྒྲལ
247a4 བའི་ཞིང་ཡིན་པས།། གསང་བའི་གནས་སུ་འདུས་ཚོགས་ནས།། སློབ་དཔོན་སྐུ་ལ་ཕྱག་འཚལ་ཏེ།། གནོད་པར་བྱེད་པའི་ཕུང་སྲི་དང་།། སྡང་བར་བྱེད་པའི་དགྲ་བོ་གཉིས།། སྒྲགས་ཏེ་རྒྱ་གད་དྲག་པོས
247a5 བརྒལ།། སངས་རྒྱས་བསྟན་པ་ཁྱོད་ཀྱིས་བཤིག། དཀོན་མཆོག་དབུ་འཕང་ཁྱོད་ཀྱིས་སྨད།། དགེ་ལ་རྒྱབ་ཀྱིས་ཁྱོད་ཀྱིས་ཕྱོགས།། ཡོན་བདག་རྣམས་ལ་གནོད་པ་བྱས།། སྔགས་འཆང་རྣམས་ཀྱི་སྐུ་ལ་བསྔོས།། ཚེ
247a6 རབས་སྔ་མའི་ལན་ཆགས་པ།། སྡང་བར་བྱེད་དང་གནོད་པའི་བགེགས།། སྐད་ཅིག་ཙམ་གྱིས་ཕུང་བར་བྱ།། གྲུ་གསུམ་འབར་བ་འདིར་སྩོལ་བས།། ནོར་གྱིས་དོགས་པའི་མིང་རུས་འདི།། རྡོ་རྗེ་ཁྲོ་བོ་འཁོར་བཅས
iiif viewer powered by OpenSeadragon
