| e-texts navigator |
| Wylie |
246b1 རྒྱལ་པོ་རྡོ་རྗེ་གཞོན་ནུས།། སྲི་ཅན་དྲུངས་ནས་འབྱིན་པའི་ལས་བཀའ་སྩལ་ཏོ།། མི་ཡི་སྲིད་པ་དང་པོ་ལ།། དབུས་ཀྱི་རི་བོ་མཆོག་རབ་སྲིད།། རི་རབ་ཀྱི་ནི་དབུས་ནས་ཡར།། དཔག་བསམ་ཤིང་གི་ལྗོན་ཤིང
246b2 སྲིད།། དཔག་བསམ་ཤིང་གི་རྩེ་མོ་ལ།། བདུད་ཕོ་ཐོད་པའི་ཕྲེང་བ་དང་།། བདུད་མོ་ནག་མོ་བཞིན་མི་སྡུག། ཚོགས་པའི་མིང་སྲིང་བཅུ་གཅིག་ནི།། གང་ན་དཀར་པོའི་ལས་དར་ལ།། དེ་ན་ཕུང་བའི་སྲི་ཅན་ཏེ།། འདི
246b3 དག་རྣལ་འབྱོར་ཅན་གྱིས་གདུལ།། རྒྱལ་དང་བློན་དང་དམངས་དང་གསུམ།། དགྲ་སྲི་དམེ་སྲི་སྒོ་སྲི་དང་།། ཆུང་སྲི་དུར་སྲི་གོད་སྲི་དང་།། དམ་སྲི་དབྱལ་མོའི་གོང་སྲི་མནན།། རྒྱལ་པོ་ཕུང་བྱེད་ཕུང་སྲི་ནི།། རིགས
246b4 ངན་ཧོར་མོ་སྤྱི་རིངས་མགོར།། ཆོས་འཁོར་དབུས་སུ་གནན་པར་བྱ།། བློན་པོ་ཕུང་བའི་ཕུང་སྲི་ནི།། ཕ་ཝང་ནེ་ཙོ་སྤྲེ་ཐོད་དུ།། མདུན་ས་ཆེན་པོར་གནན་པར་བྱ།། དམངས་རྣམས་ཕུང་བའི་ཕུང་སྲི་ནི།། སྤྲེའུ་མཛོ
246b5 རྟོལ་ཐོད་པ་རུ།། ཡུལ་གྱི་དབུས་དང་ཡུལ་མདོར་མནན།། དགྲ་བོས་ཕུང་བའི་ཕུང་སྲི་ནི།། རྟ་དང་གཡག་དང་ར་ཐོད་ལ།། སོ་མཚམས་ལམ་གྱི་རྒྱ་གྲམ་གནན།། དམེ་ཡིས་ཕུང་བའི་ཕུང་སྲི་ནི།། གཡི་དང་གསའ
246b6 དང་སྦྲང་ཐོད་དུ།། གྲོང་བརྡལ་ཆེན་པོའི་དབུས་སུ་མནན།། སྒོ་སྒོ་སྲི་ཅན་ལངས་པ་ནི།། ཁྱི་དང་ཕག་པའི་ཐོད་པ་རུ།། གནས་པའི་སྒོམ་པའི་ཐེམ་པར་མནན།། སྐྱེ་རྒྱུད་གཅོད་པའི་ཆུང་སྲི་ནི།། ཁྱི་ཕག་ཕྲུ་གུ་སྲེ་བྱའི
iiif viewer powered by OpenSeadragon
