| e-texts navigator |
| Wylie |
246a1 གདན་ལ་གདབ།། ཁྲོ་བོ་ཁྲོ་མོའི་མཁའ་ཀློང་ནས།། ཟ་བྱེད་འགུག་པའི་ཕོ་ཉ་འགྱེད།། དཔའ་བོ་དཔའ་མོའི་སྦྱོར་མཚམས་ནས།། སྲས་མཆོག་རྡོ་རྗེ་ཁྲོ་བོ་བསྐྱེད།། དབང་བསྐུར་བྱིན་བརླབ་གཟི་བྱིན
246a2 བསྐྱེད།། དཀྱིལ་འཁོར་རྣམ་གསུམ་ལྷ་ཚོགས་ལ།། སྤྱན་དྲང་བཞུགས་བསྟིམ་མཆོད་བསྟོད་བྱ།། སོ་སོའི་སྙིང་པོས་བསྙེན་བྱས་ཏེ།། ཐུགས་དམ་བསྐུལ་ཞིང་ཕོ་ཉ་འགྱེད།། ཡེ་ཤེས་སྤྲུལ་པ་ཕོ་ཉ་རྣམས།། མགྱོགས
246a3 བྱེད་ཐུགས་རྗེས་མངགས་པའི་གིང་།། སྲིད་གསུམ་ཐམས་ཅད་གང་བྱས་ཏེ།། སྲིད་པའི་ཁྱམས་ཁང་བཙོན་དོང་དུ།། རྡོ་རྗེ་ཕུར་པའི་གྲུ་ཆར་དབབ།། སྔགས་ཀྱི་འཁོར་ལོ་མེ་ལྟར་འབར།། ལྕགས་ཀྱི་ཚ་ཚ་བརྡབ་པ
246a4 བཞིན།། དྲུག་གི་ཕོ་ཉས་ལས་ལ་སྦྱར།། ཕྱག་རྒྱ་རྣམ་བཞིས་ཀུན་ཏུ་ཁྱབ།། དྲག་པོའི་རྩལ་ལྡན་ཀུན་གྱིས་གྲུབ།། བསོད་ནམས་ཚོགས་ཆེན་རྫོགས་པ་དང་།། སྔགས་གྲུབ་དབང་དང་ལྡན་པ་ལ།། འདུལ་སྡོམ་རྣམ
246a5 པར་དག་པས་ཀྱང་།། འདི་དག་ཚར་བཅད་དངོས་གྲུབ་ཐོབ།། དེ་དག་ལྡན་པར་མ་གྱུར་ཀྱང་།། འདི་དག་བསྒྲལ་ལས་མ་བྱས་ན།། དངོས་གྲུབ་བདུད་ཀྱི་ལག་ཏུ་ཤོར།། ཤིན་ཏུ་བརྩོན་པས་བསྒྲལ་བར་བྱ།། དུས
246a6 གསུམ་རྒྱུན་དུ་གསད་ཅིང་གནན།། དེ་ལྟར་བྱས་ན་འབྲས་བུ་ཐོབ།། ཅེས་གསུངས་སོ།། རྡོ་རྗེ་ཕུར་པ་གསང་བའི་སྔགས་རྒྱུད་ལས་ཕོ་ཉས་ཚར་བཅད་པའི་ལེའུ་སྟེ་བཅུ་བཞི་པའོ།། །། དེ་ནས་ཡང་ཞེ་སྡང་གི
iiif viewer powered by OpenSeadragon
