| e-texts navigator |
| Wylie |
245b1 རྣམས་དོན་མེད་འགྱུར།། འདི་དག་བཅོས་བཀར་སྤྲུལ་པ་བསྒྲལ།། འཇིག་རྟེན་ཁྱབ་ཅིང་དབང་བྱེད་པ།། དམ་ལོག་སྡེ་གསུམ་དངོས་པོའི་སྲོག། ཤི་ནས་རང་སྲོག་རང་གིས་བཅད།། སྲོག་དང་མིང་དང་ཤེས་པའི
245b2 རྟེན།། སྙིང་གི་དཀྱིལ་འཁོར་གནས་པ་དེ།། ཕོ་གཡས་མོ་གཡོན་བསྐོར་བར་བསྒོམ།། འགུགས་པར་བྱེད་པ་ཧུར་ཐུམས་ཛ།། ཡ་མ་ཏྲིག་ནན་འབྲུ་བཞིས་གཟིར།། མཱ་ར་ཡ་རྦད་གཅོད་པའི་མཚོན།། དགུག་དང་བཅིང
245b3 དང་བསྟིམ་དང་གཞུག། བྲུལ་དང་རྩེག་དང་གཏོར་དང་བསྐྲད།། བསད་དང་བསྲེག་དང་གནན་དང་བཀར།། སྔགས་ཀྱིས་སོ་སོར་གང་དམིགས་པ།། སྐྱེས་བུ་ཤེས་རབ་རིག་པས་ཟུང་།། ཞེས་གསུངས་སོ།། རྡོ
245b4 རྗེ་ཕུར་པ་གསང་བའི་སྔགས་རྒྱུད་ལས་སྲོག་གི་འཁོར་ལོ་བསྐོར་བའི་ལེའུ་སྟེ་བཅུ་གསུམ་པའོ།། །། དེ་ནས་ཡང་ཞེ་སྡང་གི་རྒྱལ་པོ་དཔལ་རྡོ་རྗེ་གཞོན་ནུས། ལྷ་རྣམས་ལས་ལ་གཞུག་པ་འདི་གསུངས་སོ།། དང
245b5 པོ་དབྱིངས་ལས་ཡེ་ཤེས་བསྐྱེད།། སྟོང་བདག་མེད་པའི་སྙིང་རྗེ་བསྒོམ།། རིག་པ་གནས་པའི་སྒྱུ་འཕྲུལ་ཧཱུཾ།། རྟོག་པ་གཞིལ་ཅིང་ཞལ་ཡས་བསྐྱེད།། འབྲུབ་ཁུང་བྷ་ག་ཁྲོ་མོའི་གཏུན།། གསང་བ་ཡུམ་གྱི་དཀྱིལ་འཁོར
245b6 དུ།། འདི་ལྟར་སྣང་བ་རྣམ་པར་བསྒྱུར།། རྡོ་རྗེ་ཁྲོ་བོའི་གཏུན་ཚོགས་ཀྱང་།། གསང་བ་ཡབ་ཀྱི་ཕུར་པ་བསྐྱེད།། རྡོ་རྗེ་འཁོར་ལོའི་མཁའ་གསང་ནས།། འབར་བའི་ཁྲོ་བོ་ཕྱུང་ནས་ཀྱང་།། ཕྱོགས་བཅུར་དྲེགས་པའི
iiif viewer powered by OpenSeadragon
