| e-texts navigator |
| Wylie |
245a1 བསད་ལོག་འཁོར་བསྐོར།། སྨྱོ་འབོག་སྐར་ཆུ་ཡུངས་ཀར་དང་།། གུ་གུལ་བདུག་ཅིང་བྲབ་པར་བྱ།། སྡེ་གནོད་ནང་ནུབ་དུས་གསུམ་བརྡུང་།། དུས་དུས་གནད་ལ་ཕུར་བུ་གདབ།། ཕུང་པོ་བསྲེག་ཅིང
245a2 ཤ་ཁྲག་བསྟབ།། འཁྲུལ་པའི་རྟོག་གཞི་གནན་པར་བྱ།། མཆོད་རྟེན་ལྷ་ཁང་རྒྱ་གྲམ་ལམ།། རྣལ་འབྱོར་མལ་འོག་ཐེམ་སྒོ་དང་།། ཕྱུགས་ར་བྲེས་དང་མ་སྐྱེད་སོགས།། གང་ལ་གནོད་པའི་ལམ་གནས་སུ།། གནན་པ
245a3 བྱས་ན་ནུས་པ་འཇིག། ཅེས་གསུངས་སོ།། རྡོ་རྗེ་ཕུར་པ་གསང་བའི་སྔགས་རྒྱུད་ལས་རྟགས་ཀྱིས་ངོས་བཟུང་ཞིང་ལས་ཀྱི་གནད་བཅད་པའི་ལེའུ་སྟེ་བཅུ་གཉིས་པའོ།། །། དེ་ནས་ཡང་ཞེ་སྡང་གི་རྒྱལ་པོ་རྡོ
245a4 གཞོན་ནུས་བཀའ་སྩལ་པ། རས་སམ་གྲོ་ག་ཤོག་ཤོག་གམ།། ཞིང་རས་ལ་སོགས་འཁོར་ལོ་ཡི།། རྫས་ལ་སྲིད་པའི་ལྟོ་བ་བྲི།། གཅོད་པའི་འཁོར་ལོ་རྩིབས་བཞི་པ།། བསད་དང་མནན་དང་བཟློག་དང
245a5 བསྐྲད།། གསོ་དང་སྲུང་དང་ཤི་ས་དང་།། ཇི་ལྟར་དམིགས་པ་དེ་བཞིན་བྲི།། ཕོ་དང་མོ་ཡི་འཁོར་ལོ་བརྩམ།། སྔགས་དང་སྲོག་དང་མིང་ཡིག་དགོད།། བསྲུང་བ་རྡོ་རྗེ་ཁོང་པར་བྲི།། བུ་སྨད་ནོར་ཕྱུག་གང
245a6 དམིགས་གདགས།། གུ་གུལ་མུ་ཟི་སྒོག་པ་སོགས།། སྨེ་རྫས་གདགས་ཤིང་དུད་པས་བསྐོར།། འབྱུང་པོ་ལྷ་ཡི་ཕྲ་མེན་བཅས།། སྲིད་གསུམ་ཁྱབ་ཅིང་ཉུལ་བྱེད་པ།། འདི་དག་མ་བཅོས་མ་བཀར་ན།། བྱས་པའི་ལས
iiif viewer powered by OpenSeadragon
