| e-texts navigator |
| Wylie |
244a1 ཁུང་ཐོད་པ་ཧོམ་ལ་གདགས།། རེ་བ་ཤུག་ཤིང་ཚེར་མས་དགབ།། དུས་གསུམ་དང་ནི་དུས་བཞི་དྲུག། གཤེད་མར་གྱུར་པའི་མཚོན་ཆ་ནི།། ལྕགས་སྣ་ལྔ་ཡི་ཕུར་བུ་དང་།། སྟག་པའི་བེང་དབྱུག་ཐོ
244a2 བ་དང་།། གོར་མ་ཤིང་ཕུར་རྡོ་རྗེ་དང་།། རལ་གྲི་འཁོར་ལོ་ལ་སོགས་པས།། དྲག་ཏུ་བརྡུང་ཞིང་བརྣག་པ་བྱ།། མོ་ལ་མདའ་ཐུན་ཟོར་གྱིས་བརྡེག། ཕོ་ལ་ཁྲག་ཐུན་གྲི་མཚོན་གདབ།། བདུན་དང་བདུན་གསུམ་གང
244a3 ནུས་པར།། མ་ཡེངས་བརྩོན་པས་བྲབ་པར་བྱ།། སྔགས་དྲུག་རྒྱལ་པོའི་ལས་སྦྱར་ཏེ།། གདབ་དང་མནན་བསྲེག་བཀར་བར་བྱེད།། ཅེས་གསུངས་སོ།། ཕུར་པ་གསང་བའི་སྔགས་རྒྱུད་ལས། ལས་སྦྱོར་ཐབས་ཀྱི
244a4 ལེའུ་སྟེ་བཅུ་གཅིག་པའོ།། །། དེ་ནས་ཡང་ཞེ་སྡང་གི་རྒྱལ་པོ་རྡོ་རྗེ་གཞོན་ནུས་གདོན་ངོས་བཟུང་བའི་དོན་དུ་བཀའ་སྩལ་པ།། སྲིད་པ་ཀུན་ལ་གནོད་པ་ཡི།། འགོང་པོ་ཕོ་མོ་འདི་དག་ནི།། རྣལ་འབྱོར་ཅན་ལ
244a5 ལྷ་སྒྲུབས་འཇུག། ཕལ་པ་རྣམས་ལ་མི་སྒྲུབ་འཇུག། བགེགས་དང་འབྲས་ལ་བགེགས་སྦུབས་འཇུག། ཡུལ་བརྒྱུད་གང་ཟག་བརྒྱུད་པར་བྱེད།། སྐྱེ་བ་བརྒྱུད་དང་སྤྲུལ་པ་བརྒྱུད།། དངོས་པོ་བརྒྱུད་ནས་གནོད
244a6 པར་བྱེད།། རྐུ་ཞིང་ངོ་སྦེད་སྣ་ཚོགས་སྟོན།། འདི་དག་དྲག་ཏུ་གདོན་གྱུར་ན།། ཀླུ་བདུད་ཀླུ་བཙན་མེས་པོ་དང་།། མ་མོ་མཚོ་སྨན་མ་སྲུ་དང་།། དཀར་ནག་རྒྱལ་འགོང་བཅོས་པ་ཤིས།། རྒྱབ་རྟེན་ཕྲལ་ནས་སྣ་འདྲེན
iiif viewer powered by OpenSeadragon
