| e-texts navigator |
| Wylie |
240b1 བྲོ་བརྡུང་དང་།། ཉམས་དང་རྨི་ལྟས་བཟང་མཐོང་ནས།། སྐུ་གསུང་ཐུགས་ཀྱི་དངོས་གྲུབ་བླང་།། རང་རྒྱུད་བྱིན་དང་ལྡན་གྱུར་པས།། ཡེ་ཤེས་ལྔ་ཡི་དབང་བསྐུར་ཡང་།། རང་དང་གཞན་ལ་རྒྱས་བཏབ་སྟེ།། དབང
240b2 དང་བྱིན་བརླབ་ཚུལ་བཞིན་བྱ།། དེ་ནས་བདུད་དང་དགྲ་བགེགས་ལ།། རྡོ་རྗེ་ཁ་ཊྭཱཾ་རོལ་པ་རྩམ།། ཞེས་གསུངས་སོ།། རྡོ་རྗེ་ཕུར་པ་གསང་བའི་སྔགས་རྒྱུད་ལས་དཀྱིལ་འཁོར་སྒྲུབ་པའི་ལེའུ་སྟེ་བརྒྱད
240b3 པའོ།། །། དེ་ནས་ཡང་ཞེ་སྡང་གི་རྒྱལ་པོ་རྡོ་རྗེ་གཞོན་ནུས་བཀའ་སྩལ་པ།། གང་གིས་བར་གཅོད་ཚར་གཅད་ཕྱིར།། དམིགས་པའི་ཏིང་འཛིན་གསུམ་གསལ་བྱ།། ནརྀ་སྲོག་ཅན་དང་ན་སྲོག་ཅན།། ཏྲི་སྲོག་ལྡན
240b4 པ་བསྟན་པའི་དགྲ།། ཡིད་གཟུགས་ཅན་དང་གདོས་བཅས་གཟུགས།། དེ་ལ་དེ་བརྟེན་སྲོག་ཅེས་པས།། ཨ་ནརྀ་སུ་ཏྲི་པྲེ་དུ་ལྡན།། རིགས་དྲུག་ས་བོན་གཟུང་བར་བྱ།། གང་ལ་བྱ་བའི་དམིགས་རྟེན་ནི།། འབྱུང་བའི
240b5 སྙིགས་མ་ཟགས་ལ་བྱ།། ཡང་ན་བླ་སྲོག་གནས་པ་དབབ།། གཙོ་བོ་འཇག་མ་དམེ་ཁྲག་སོགས།། སྲིན་མོའི་ཁང་ས་ལ་སོགས་དང་།། ཤིང་ཤུན་ཞིང་རས་གང་ལྡན་ལ།། གང་ལ་བྱ་བའི་མིང་གཟུགས་བྲི།། སྲོག་གི་ཡི
240b6 གེ་གནད་སྔགས་བསྐོར།། དབྱེ་དགུག་བསྟིམ་དང་བྱད་དུ་གཞུག། སྒྲ་སྨྱོ་རྡུལ་དུ་བརླག་པར་བྱ།། འབར་བའི་ཨེ་དང་ཞལ་དུ་བསྟབ།། དེ་ལྟར་བྱས་ན་རཱ་ཏྲའི་སྡེ།། བསྟན་པའི་དགྲ་གསུམ་དྲུངས་ནས་འབྱིན།། ཨོཾ་བཛྲ
iiif viewer powered by OpenSeadragon
