| e-texts navigator |
| Wylie |
240a1 འཁོར་དང་བཅས།། སྤྲུལ་པས་སྲིད་གསུམ་གཏམས་པར་བསྒོམ།། དེ་ནས་ཤེས་པ་འདུ་སར་གདབ།། བཏབ་ནས་བདེ་བའི་ས་ལ་དགོད།། ཅེས་གསུངས་སོ།། རྡོ་རྗེ་ཕུར་པ་གསང་བའི་སྔགས་རྒྱུད
240a2 ལས་ཁྲོ་བོ་ལ་བསྟོད་པའི་ལེའུ་སྟེ་བདུན་པའོ།། །། དེ་ནས་ཞེ་སྡང་གི་རྒྱལ་པོ་རྡོ་རྗེ་གཞོན་ནུས་བཀའ་སྩལ་པ།། དེ་ནས་དཀྱིལ་འཁོར་ཡང་དག་བཤད།། ལུས་ནི་ལྷ་ཡི་དཀྱིལ་འཁོར་བསྒོམ།། ངག་ནི
240a3 གསང་སྔགས་དཀྱིལ་འཁོར་བསྒོམ།། སེམས་ནི་ཆོས་ཉིད་དཀྱིལ་འཁོར་བསྒོམ།། དབེན་པར་ས་སྦྱངས་མཎྜལ་བཅའ།། འཁོར་གནས་ཡོ་བྱད་བློ་ལྡན་པས།། ཁྲོ་མོ་ཡུམ་གྱི་གཏུན་ཁུང་བྲི།། གྲུ་གསུམ་རྩ་གཅིག
240a4 འབར་བ་ཙམ།། ཡང་ན་བཅུ་གཅིག་བདུན་ཡང་བྲི།། ལས་ཀྱི་དཀྱིལ་འཁོར་གྲུ་གསུམ་ཨེ།། རྡོ་བ་དག་གམ་ས་ལ་བྱ།། ལྕགས་སྣ་ལྡང་དང་དུག་ཤིང་དང་།། མི་དང་བྱ་ཡི་རུས་པ་ལ།། སྲས་མཆོག་ཕུར་པ་གཟི་ལྡན
240a5 བྱ།། གུ་གུལ་རཀྟ་ཡུངས་ཀར་གྱིས།། སྐུ་གསུང་ཐུགས་ཀྱི་གཟི་བྱིན་བསྐྱེད།། ཀ་པཱ་ལ་ཡི་གནས་བཞུགས་ནས།། རྡོ་རྗེ་ངག་གི་བཟླས་པ་རྩམ།། སྐུ་དང་ཆོས་ཉིད་གསལ་ལྡན་པས།། བསྙེན་པ་གདེང་དང་ལྡན་པར
240a6 བྱ།། རྡོ་རྗེ་དཀྱིལ་འཁོར་མཆོད་བསྟོད་ཅིང་།། རང་རྒྱུད་དག་པར་བཤགས་སྦྱང་བྱ།། འཕྲོ་འདུས་ཉེ་བར་བསྙེན་བྱ་སྟེ།། བདུན་འབུམ་ཉི་ཁྲིའི་གྲངས་རྫོགས་ནས།། རྡོ་རྗེ་ཁྲོ་བོ་རོལ་པ་སྒྲུབ།། འཕང་དང་ལྡེག་འཁྲབ
iiif viewer powered by OpenSeadragon
