| e-texts navigator |
| Wylie |
23b1 ཆེན་ས་ལ་དགོད་དུ་གསོལ།། ཞེས་བསྐུལ་བས་བཅོམ་ལྡན་འདས་ཀྱིས་མཁྱེན་ནས། སྤྲུལ་པའི་ཐུགས་ཀྱི་ཆོ་འཕྲུལ་མཛད་དེ། ཡེ་ཤེས་ཀྱི་སྤྲིན་མགོན་ནི་དབྱར་གྱི་ཆར་སྤྲིན་བཞིན་གཏིབས། ཆོས་ཉིད་དྲོད་ཆེན་པོ་ནི
23b2 ནམ་མཁའི་རླན་བཞིན་དུ་གཡོས་ཏེ། སྤྲུལ་པའི་སྐུ་ཆར་གྱི་རྒྱུན་བཞིན་དུ་བབས་པ་ནི།། དཔེ་བྱད་ཀྱི་སྐུ་ལ་མཚན་གྱི་མེ་ཏོག་ཆགས་པར་མཛད། གསུང་ཆགས་པ་མེད་པའི་ཚངས་པའི་དབྱངས་ཀྱིས་ཆོས་ཀྱི་བྱེ
23b3 བྲག་སྣ་ཚོགས་བསྒྲགས་ནས། བདེན་པའི་གཞུང་གིས་འདུལ་བར་གཟས་ན། རཱུ་ཏྲ་ནག་པོ་དེས་སེ་གོལ་ལན་གཅིག་བརྡབས་ནས་མི་འདུལ་མངོན་པའི་ང་རྒྱལ་སྐྱེས་ཏེ། གོའུ་ཏ་མ་ཁྱོད་ཀྱིས་བདག་འདུལ་བ་མ
23b4 ལགས་སམ། ཁྱོད་རང་རང་གི་གནས་སུ་དཀའ་ཐུབ་ཀྱི་བདེ་བ་ལ་གནོས་ཤིག། ཅེས་ཟེར་ཏེ་མ་ཉན་ཏོ།། རྡོ་རྗེ་ཕུར་པའི་གསང་བའི་རྒྱུད་ཆེན་པོ་ལས། བདེ་བ་ཆེན་པོའི་གཞུང་གིས་མ་དད་པ་གདུལ་བར་གཟས
23b5 པའི་ལེའུ་སྟེ་བརྒྱད་པའོ།། །། དེ་ནས་ཡང་རྡོ་རྗེ་འཛིན་པས་འདི་སྐད་ཅེས་བསྐུལ་བ་མཛད་དེ།། ཀྱེ་མའོ་སངས་རྒྱས་མང་པོའི་ཚོགས།། སྣང་ངོ་ཀུན་ཏུ་རབ་ཏུ་འདིར།། སྲིད་པའི་ལོག་པ་གདུག་པ་ཅན།། འཁོར
23b6 བའི་ས་བོན་རྩུབ་མོས་འཕངས།། སྡུག་བསྔལ་ཆེན་པོ་ཡི་དྭགས་ཏེ།། ལས་ཀྱིས་འཇིག་རྟེན་ཁམས་འདིར་བྱུང་།། དྲག་པོ་རང་གི་དཀའ་ཐུབ་ཀྱིས།། སྲིད་པ་གསུམ་གྱི་བདག་པོར་སྨིན།། དྲག་པོ་རཱུ་ཏྲའི་གདུག་དཔལ
iiif viewer powered by OpenSeadragon
