| e-texts navigator |
| Wylie |
23a1 མོངས་ལྔ།། དེ་ཡི་ལས་ཀྱི་དབང་བཙན་པས།། འབྲས་བུ་མ་དད་རྒྱུ་རུ་སྨིན།། རིགས་ནི་འཁོར་བའི་རིགས་ཆེན་ཏེ།། སྡེ་ནི་གདོལ་པའི་འབྱུང་པོར་གཏོགས།། ཞེས་གསུངས་སོ།། དེ་ནས་ཡང་རྡོ་རྗེ
23a2 འཛིན་པས།། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ལོག་པའི་སེམས་ཅན་ཆེན་པོ་དེ།། ཅི་ཡི་ཐབས་ཀྱིས་དད་པར་འགྱུར།། མ་དད་ངེས་ན་ཇི་ལྟར་གདུལ།། བཏུལ་ན་ཡོན་ཏན་ཇི་ལྟར་འཐོབ།། མ་བཏུལ
23a3 མ་དད་སྐྱོན་ནི་ཅི།། ཞེས་གསོལ་པས།། བཅོམ་ལྡན་འདས་ཀྱིས་བཀའ་སྩལ་པ།། ལོག་ལྷའི་མཐུས་བསྙེམས་སེམས་ཅན་དེ།། བདེན་པའི་གཞུང་གིས་གདུལ་བར་བྱ།། མ་བཏུལ་བ་ཡི་སྐྱོན་བསྟན་ན།། ཕྱིན་ཅི་ལོག
23a4 ཏུ་ཆོས་སྤྱོད་ནས།། ལྷ་དང་མི་ཡི་སྲིད་བརླག་སྟེ།། ཁ་ལོ་ལོག་པར་བསྒྱུར་ནས་ཀྱང་།། སངས་རྒྱས་དམན་རིགས་སུ་ལུས་ལ།། སེམས་ཅན་ཁ་ལོ་ལོག་པར་བསྒྱུར་ནས་ཀྱང་།། དོན་ལ་མ་དད་སྐྱོན་ཡོད་དོ།། བཏུལ་ན
23a5 ཡོན་ཏན་དཔག་མེད་དེ།། དུས་གསུམ་རྩད་གཅོད་འཁོར་ངོས་སྤྲུག། འཁོར་བ་ཆོས་ཉིད་ཆེན་པོར་འགྱུར།། སངས་རྒྱས་ཞིང་ཁམས་རབ་ཏུ་རྒྱས།། བཏུལ་བས་དོན་ལ་དད་པར་འགྱུར།། ཞེས་གསུངས་སོ།། དེ་ནས
23a6 ཡང་རྡོ་རྗེ་འཛིན་པས་འདི་སྐད་ཅེས་བསྐུལ་ལོ།། ཨེ་མ་ཧོ་བདེ་གཤེགས་བཅོམ་ལྡན་འདས།། མ་དད་པ་ཡི་སེམས་ཅན་ཆེན་པོ་དེ།། ལས་ལ་བབ་པའི་ཐུགས་རྗེ་ཡིས།། བདེ་བ་ཆེན་པོའི་གཞུང་བཀོན་ནས།། བདེ
iiif viewer powered by OpenSeadragon
