| e-texts navigator |
| Wylie |
238b1 དཔལ་ཆེན་རྡོ་རྗེ་གཞོན་ནུ་ནི།། དབུ་གསུམ་ཕྱག་དྲུག་ཞབས་བཞི་བརྐྱང་བསྐུམ་བགྲད།། རྒྱན་དང་ཆ་ལུགས་ལྡན་པས་སྒེག་སྒེག་འདྲ།། བདུད་བཞི་གཏན་དུ་བཅོམ་པས་དཔའ་དཔའ་འདྲ།། སྐུ་ཆེ་ཡན་ལག་རགས
238b2 པས་འཇིགས་འཇིགས་འདྲ།། ཞལ་གཡས་དཀར་ལ་བཞད་པས་རྒོད་རྒོད་འདྲ།། གཡོན་པ་དམར་ལ་གདངས་པས་གཤེ་གཤེ་འདྲ།། ཞལ་དབུས་མཐིང་ལ་རྔམས་པས་ཁྲོ་ཁྲོ་འདྲ།། རྒྱུ་དྲུག་སྤྱན་གྱིས་གཟིགས་པས
238b3 སྙིང་རྗེ་ཆེ་ཆེ་འདྲ།། དུག་གསུམ་ཞལ་དུ་རྔུབས་པས་རྔམ་རྔམ་འདྲ།། དེ་འདྲའི་ཁྲོ་བོ་འཇིགས་པའི་སྐུར་བསྟན་པས།། ཆོས་སྐུ་མཚན་མ་མེད་པས་ཞི་ཞི་འདྲ།། རྡོ་རྗེ་རྩེ་དགུས་ས་དགུའི་རྟོག་པ་འཇོམས།། རྡོ་རྗེ་རྩེ་ལྔས
238b4 རྒྱུད་ལྔ་གནས་སུ་སྒྲོལ།། མེ་དཔུང་འབར་བས་ཁམས་གསུམ་ཉེས་པ་སྲེག། ཁ་ཊྭཱཾ་རྩེ་གསུམ་དུག་གསུམ་རྩད་ནས་གཅོད།། རི་རབ་ཕུར་བུས་ཁམས་གསུམ་རྡུལ་དུ་རློག། འཁོར་ལོ་རྒྱས་འདེབས་དཔལ་གྱི་སྐུ་ལ
238b5 འཁྲིལ།། ཁྲོ་བོ་ཁྲོ་མོ་རབ་འཇིགས་འབར་བའི་སྒྲ།། སྐུ་ནི་མེ་དཔུང་འབར་བའི་ཀློང་ན་བཞུགས།། གསུང་ནི་དྲག་པོའི་སྒྲ་སྐད་འབྲུག་སྟོང་ལྡིར།། ཐུགས་ནི་མི་རྟོག་རྣམ་རྟོག་ཐམས་ཅད་འཇོམས།། དཔལ་ཆེན་རྡོ་རྗེ
238b6 གཞོན་ནུ་ཡབ་ཡུམ་ལ།། ཁྲོ་བོ་ཁྲོ་མོའི་ཚོགས་ཀྱིས་བསྐོར་བ་ནི།། ཧཱུཾ་ཆེན་མཐིང་ག་རྡོ་རྗེ་ཐོད་ཁྲག་དང་།། མདའ་གཞུ་རྡོ་རྗེ་རི་རབ་ཕུར་པ་འདྲིལ།། སྐུ་མདོག་མཐིང་ག་དཀར་དང་དམར་བའི་ཞལ།། ཞབས་བཞི
iiif viewer powered by OpenSeadragon
