| e-texts navigator |
| Wylie |
238a1 པར་གདབ།། དམ་ལོག་དམ་སྲི་རཱཏྤའི་སྡེ།། འདི་དག་ཚར་ནི་མ་བཅད་ན།། སྒྲུབ་ལ་བར་ཆོད་མ་རུངས་བྱེད།། ཉམས་པ་བདུད་ནི་འདི་རྣམས་ཏེ།། དགྲ་དང་བགེགས་དང་བདུད་ཚོགས་ཀྱང་།། འདི
238a2 གསུམ་མ་ཐུལ་སྐུ་དགྲར་ལྡང་།། དེ་ཕྱིར་སྒྲུབ་པའི་རྣལ་འབྱོར་པས།། དམ་སྲི་གནན་ཅིང་དམ་ལོག་གསད།། རཱུ་ཏྲའི་སྡེ་རྣམས་གདུལ་བར་བྱ།། བཅུ་གཅིག་དཔལ་དང་ཕྱག་རྒྱ་བཞི།། ཡེ་ཤེས་ཁྲོ་བོ་བཅོ
238a3 ལྔའི་ཐུགས།། སྲོག་དང་ལྡན་པའི་ཡེ་ཤེས་སེམས།། འཁོར་དང་བཅས་པའི་བདག་པོ་བསྐྱེད།། རང་བཞིན་དཀྱིལ་འཁོར་དབྱེར་མེད་བསྟིམ།། གཟིར་གནོན་སྒྲོལ་བའི་སྐུ་རུ་བསྒོམ།། སྐུ་དང་གསུང་ཐུགས་སྲོག
238a4 དབང་བསྐུར།། ཞི་བ་བསྙེན་ཅིང་ཁྲོས་པ་བསྒྲུབ།། དངོས་གྲུབ་ཀུན་གྱི་གཞི་མ་ཡིན།། སྨན་རག་གཏོར་མ་ལ་སོགས་པ།། ཕྱི་ནང་གསང་བའི་མཆོད་པ་ཡིས།། ལོ་ཟླའི་དུས་སུ་བརྩོན་པར་འབད།། བསྙེན་པའི་བདུད
238a5 རྩིས་ཆག་ཆག་གདབ།། དཀྱིལ་འཁོར་བྱིན་གྱིས་རློབ་པར་འགྱུར།། རྣལ་འབྱོར་གང་ལ་མོས་པ་ནི།། འཇིགས་བྱེད་ཨེ་ཡ་དཀྱིལ་འཁོར་བསྐྱེད།། རང་བཞིན་སྒྲུབ་ཕྱིར་བསྟོད་ཅིང་བསྐུལ།། ཞེས་གསུངས་སོ།། ཀཱི
238a6 ལ་ཡ་གསང་བའི་སྔགས་རྒྱུད་ལས་བསྙེན་པའི་ལེའུ་དྲུག་པའོ།། །། དེ་ནས་ཞེ་སྡང་གི་བདག་པོ་རྡོ་རྗེ་གཞོན་ནུས་བཀའ་སྩལ་པ།། གྲུ་གསུམ་མཐིང་ནག་འབར་བའི་དཀྱིལ་འཁོར་ནས།། བཅོམ་ལྡན
iiif viewer powered by OpenSeadragon
