| e-texts navigator |
| Wylie |
236b1 སྩལ་པ།། ཡིད་འོང་དབེན་པའི་གནས་བཙལ་ཏེ།། རྫས་དང་ཡོ་བྱད་འཁོར་ལྡན་པས།། ཕྱི་དང་ནང་གི་མཚམས་ཀྱང་གཅད།། མཚན་དང་ལྡན་པའི་བྷན་དྷ་རུ།། ནས་ནག་སྔོན་མོ་བླུག་པར་བྱ།། ཕུར་བུ་བཅོ་ལྔ་དར
236b2 གྱིས་གྲིལ།། རྒྱུ་རྐྱེན་དབང་བསྐུར་བྱིན་བརླབ་བྱ།། ཐོག་མར་དངོས་གྲུབ་ཀུན་གྱི་གཞི།། བཞི་བཅུ་གཉིས་དང་ལྔ་བཅུ་བརྒྱད།། ཞི་དང་ཁྲོས་པ་རིགས་བརྒྱ་མཆོད།། འཛབ་དང་བསྟོད་པ་བསྐང་བཤགས་བྱ།། ཛ་གད
236b3 བདུད་རྩི་ལྷག་མ་ཡིས།། རྡོ་རྗེ་སྲིན་པོའི་དཀྱིལ་འཁོར་བརྩམ།། སྒྲུབ་པའི་དཀྱིལ་འཁོར་རྣམ་པ་གཉིས།། གང་ལ་མོས་དང་ཤིས་པ་བྲིས།། ཡེ་ཤེས་ཁྲོས་པ་བཅོ་ལྔ་དང་།། ཕོ་ཉ་དཔུང་ཚོགས་བཅས་པ་ཡི།། ཕུར་པ
236b4 དཀྱིལ་འཁོར་གནས་ལ་དགོད།། གདུག་ཅིང་རྩུབ་པ་གཟས་པའི་གཟུགས།། འདྲ་འབག་རྩ་དང་གཟུགས་སུ་བཅའ།། ཟག་པའི་རྫས་དང་དམེ་ཁྲག་བྱུག། ཡང་ན་ཆུ་སྣའི་འཇིམ་པས་བྱ།། མིང་དང་རུས་དང
236b5 སྲོག་ཡིག་གཞུག། སྨུག་ནག་དང་ནི་ཟལ་དཀར་བྱ།། ལྕགས་ཟག་བཏགས་ལ་ཨེ་ལ་གཏོད།། རྟ་མགྲིན་སྐུར་གནས་དབང་བཙུགས་ཏེ།། སྲིད་པའི་བགེགས་ལ་ཞལ་ལྕེ་བཅད།། མཐིང་ནག་མེ་འབར་དཀྱིལ་འཁོར
236b6 དུ།། སྨུག་ནག་སྔོ་ནག་དམར་ནག་འབར།། འཇིགས་བྱེད་ཁྲོ་བོའི་སྤྲུལ་པས་དྲངས།། དཔལ་གྱི་ཕོ་ཉས་གནས་ནས་དགུག། སྒྲུབ་པའི་རྫས་དང་མཆོད་པ་དགོད།། བཅོ་ལྔ་ཁྲོ་བོ་མ་མོ་གསུམ།། བསྙེན་དང་བསྒྲུབ་པ
iiif viewer powered by OpenSeadragon
