| e-texts navigator |
| Wylie |
236a1 འདུས་ཤིང་ཟིལ་གྱིས་གནོན།། ཨོཾ་བཛྲ་ཀྲོ་ཏ་ཏྲེ་ལོ་ཀྱ་བི་ཛ་ཡ་ཧཱུཾ་བྷིན་དྷ་བྷིན་དྷ་ཧཱུཾ་ཕཊ། འོག་ནས་ཁྲོ་བོ་སྟོབས་པོ་ཆེ།། བསྐྱོད་ཆེན་དོམ་དང་བྱི་བར་བཅས།། འོག་གི་ས་བདག་ཕོ་མོའི་བདག། གདན
236a2 དུ་གཟིར་བས་སྤྲུལ་པ་རྣམས།། དབང་དུ་འདུས་ཤིང་ཟིལ་གྱིས་གནོན།། ཨོཾ་བཛྲ་ཀྲོ་དྷ་མ་ཧཱ་པ་ལ་ཧཱུཾ་སྥོ་ཊ་སྥོ་ཊ་ཧཱུཾ་ཕཊ།། ཕྱོགས་བཞི་མཚམས་བཞི་སྟེང་འོག་བཅུ།། རྡོ་རྗེ་ཁྲོ་བོས་རྣམ་པར་གཏམས།། དབུས་སུ་མ་ཧཱ
236a3 དེ་བ་དང་།། རུ་དྲ་ཆེན་པོ་ཁྱོ་ཤུག་བསྣོལ།། བདག་ཉིད་རྡོ་རྗེ་གཞོན་ནུ་དང་།། འཁོར་ལོ་རྒྱས་འདེབས་དག་ཏུ་བྱ།། ཁྲོ་བོ་བཅུ་གཅིག་དཀྱིལ་འཁོར་དུ།། ཀུན་ཀྱང་མཐིང་ནག་རྔམ་པའི་སྐུ།། རྡོ་རྗེ་ཕུར་པ་ཐོད་ཁྲག
236a4 བསྣམས།། སྤྲུལ་པ་ལྕགས་ཀྱུ་ཕུར་པ་འདེབས།། རུ་དྲ་ཆེན་པོའི་སྡེ་དཔོན་རྣམས།། དབང་སྡུད་བྲན་དུ་གཟིར་ནས་ཀྱང་།། དཔའ་རྟགས་དཔའ་བོའི་ཆས་བརྒྱད་ལྡན།། ས་གནོན་ཉི་ཟླ་པདྨ་ཚོགས།། ཉོན་མོངས་སྲེག
236a5 པའི་མེ་དཔུང་འབར།། ཐབས་དང་ཤེས་རབ་ལྡན་པ་ལ།། མཚོན་ཆ་སྲས་མཆོག་ཕུར་པ་བསྐྱེད།། སྐུ་སྟོད་ཁྲོ་བོ་ཆེན་པོ་ལ།། སྐུ་སྨད་ཕུར་པ་ཟུར་གསུམ་མོ།། གཟས་པའི་སྙིང་དཀྱིལ་ཐེབས་པར་བསྐྱེད།། ཅེས
236a6 གསུངས་སོ།། རྡོ་རྗེ་ཕུར་པའི་གསང་བའི་སྔགས་རྒྱུད་ལས་ལྷ་རྣམས་ཀྱི་རང་བཞིན་དང་རྩ་བའི་སྔགས་ཀྱི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་ཁྲག་འཐུང་ཆེན་པོ་བཛྲ་ཀཱི་ལ་ཡས་བཀའ
iiif viewer powered by OpenSeadragon
