| e-texts navigator |
| Wylie |
234b1 དང་།། ཁ་ནས་མེ་འཕྲོ་ཆུ་གཞུང་ཞོན།། སྲོག་ཆགས་ཕྲ་མོ་ཀུན་གསོད་ཅིང་།། སྲོག་དང་དབུགས་ཀྱིས་འཚོ་བ་བྱེད།། སྔགས་ཀྱི་ནུས་པ་ལོག་པའི་མཐུས།། ལས་ཀྱི་སྲིན་པོའི་རིགས་སུ་གྲུབ།། གཤོག་པར་ལྡན་ཞིང
234b2 སོ་རྣོ་བ།། སྡེར་མོར་ལྡན་ཞིང་མི་ཕྱུགས་རྐུ།། གསང་སྔགས་དམ་ལས་གཏན་ལོག་པ།། དམ་པའི་སྲི་ཅན་བྱེད་པའི་དགྲར།། སྒོ་ལམ་ལྡན་ཞིང་སྔགས་ཚུལ་སྤྱོད།། མིང་ཡང་འབྲོག་ཏེའུ་ནག་པོ་དང་།། ནག་མོ་བྱ་ཡི
234b3 མགོ་ཅན་གྲགས།། དེ་དག་བུ་ཚ་མིང་སྲིང་དྲུག། མི་ཕྱུགས་ཕྲ་མོ་ཀུན་ཡང་རྐུ།། དགེ་བའི་རྣ་ཉན་བར་ཆད་བྱེད།། སྲོག་ཆགས་ཟ་བྱེད་དགེ་སྦྱོང་བརྫུ།། མིང་ཡང་སྐོར་བེར་འབལ་ཏེའུ་འདྲེ་བྱུང་དཀར་པོ་བེག་འབའ
234b4 ཏེའུ་འདྲེ།། ས་སྲིན་ཀླུ་སྲིན་དམ་སྲིར་གྲགས།། ཤོ་ག་མ་ཡམས་ཀྱང་སྲིན་པོའི་ཡུལ་ཁམས་གནས།། འདོད་ཁམས་སྲིད་པ་ཐམས་ཅད་ཉུལ།། འཇིག་རྟེན་ཁམས་ཀུན་ཁྱབ་པར་འཚེ།། ཐོད་ཕྲེང་ཅན་དང་བཞིན་མི
234b5 སྡུག། བདུད་ཕོ་བདུད་མོའི་བུ་ཚ་ནི།། མིང་སྲིད་བཅུ་གཅིག་སྡེ་ཆེན་བཅས།། དེ་དག་སྤྲུལ་པ་བསམ་ཡས་པ།། འགོང་པོ་སྲོག་བདག་མངགས་པའི་ཕྱོགས།། སྤྱན་དགུ་འགོང་པོའི་ཕྱོགས་སུ་བསྡུ།། འགོང་པོ་འགོང་མོ
234b6 དཔག་མེད་པས།། དགེ་བའི་བར་ཆོད་བདུད་དུ་གྱུར།། སྲིད་པའི་བདེ་བ་ཕུང་བར་བསྒྱུར།། ཐར་ལམ་བགྲོད་པ་ལོག་པར་འདྲེན།། འདི་དག་ལོག་པ་རྣམ་གསུམ་སྟེ།། རྣལ་འབྱོར་བར་ལམ་གང་འདོད་པས།། འདི
iiif viewer powered by OpenSeadragon
