| e-texts navigator |
| Wylie |
234a1 རྟེན་སྒྲོན་མའི་དུས།། དགེ་སློང་ཐུབ་པར་དཀའ་བ་ལ།། ནག་པོ་ཐར་བས་གསང་དོན་ཞུས།། དེ་ཚེ་རྐུན་པོ་རྐུན་མོ་ནི།། མིང་སྲིང་གཉིས་ཀྱིས་ཕ་གཉན་བྱས།། རང་གི་སྒྲར་ཞུགས་ལོག་པར
234a2 བསྒྲུབས།། གཞན་ལ་ཚུལ་བརྗོད་ལོག་པར་སྨྲས།། དེ་ནས་ནག་པོ་རང་བག་པ།། དམ་ཚིག་ཉམས་པའི་སྒོར་ཞུགས་ནས།། གངས་ཀྱི་ཞུན་ཆུ་ཁོལ་མ་འཐུངས།། སྐྱེ་བ་དེ་འཕོས་སྡུག་བསྔལ་མྱོང་།། ཐུབ་པ་ཆེན་པོའི
234a3 ཞིང་ཁམས་སུ།། ལས་ཀྱི་དབང་གིས་འདོད་ཁམས་སྐྱེས།། རང་ཟག་རུ་དྲར་ནར་སོན་ཚེ།། མོས་པ་བྱས་ཤིང་འཁོར་དུ་འདུན།། རཱ་ཏྲའི་སྐལ་པ་མ་མཆིས་ཏེ།། སྐལ་ངན་ཞིང་པས་སས་ཀྱང་དཔྱང་ཟག་ཆད།། འདི
234a4 དག་དྲང་བའི་སྐལ་བ་མེད།། རྟག་ཏུ་འཁོར་འགྱུར་རྟག་ཏུ་གཞོམ།། འདི་དག་ལང་ཀའི་གྲོང་གདལ་དུ།། སྲིན་པོ་ལང་ཀ་མགྲིན་བཅུའི་བུ།། དུང་བུ་མགྲིན་དང་ཁ་འབར་མ།། ཞེ་སྡང་མ་རུངས་རགས་པ
234a5 ཅན།། སྔོན་གྱི་ལས་ཀྱིས་མཚམས་སྦྱར་སྐྱེས།། བོང་བུ་ལྟ་བུའི་རྣ་བ་ཅན།། མི་ཡི་ཐོད་ཕོར་ལག་ན་ཐོགས།། སྤྲེའུ་པགས་པ་གོས་སུ་གྱོན།། ཁ་ནས་དུད་པ་སྔོ་དམར་ཕྱུང་།། བུ་ཆུང་རྐུན་བུར་རྐུ་ཞིང་ཟ།། དུད་འགྲོ་ར
234a6 བརྐུས་ར་ཤ་ཟ།། ར་ལྤགས་ར་མགོ་བྲུངས་སུ་འཚེར།། སྦྱོར་ཏེ་སྲིན་མོ་བྲག་ཕུག་སྡོད།། ལུས་དང་མཉམ་པའི་རལ་པ་ལ།། མགོ་གསུམ་སྤྲུལ་ཞིང་རོ་དག་སྦེད།། བུ་ཆུང་ཕྱི་བ་ཉ་ཡི་མགོ། ཕྲེང་བ་གྲང་ཞིང་རླུང་ནག
iiif viewer powered by OpenSeadragon
