| e-texts navigator |
| Wylie |
233b1 ཆེན་པོས་བཀའ་སྩལ་པ། སེམས་དཔའ་ཆེན་པོ་རྡོ་རྗེ་ལས། མ་འོངས་པ་རྣམས་ལ་དོན་ཡོད་པར་བྱ་བའི་ཕྱིར། འདི་ལྟར་ཆོ་འཕྲུལ་སྣང་བར་བྱས་ཏེ། འདྲི་བའི་དུས་ལ་བབ་པས་དྲིས་ཤིག། དྲིས་པ་ལེགས
233b2 སོ།། འཇིག་རྟེན་གྱི་ཁམས་འདིར་གང་དགེ་བ་སྲོག་དང་འདྲ་བ་ལ་བར་དུ་གཅོད་ཅིང་། དཀར་པོའི་ལས་རྣམ་པར་འགེགས་པར་བྱེད་པ་ཚར་གཅད་པའི་ཕྱིར། འཇིག་རྟེན་དུ་ཆོ་འཕྲུལ་བསྟན་པའོ།། སེམས་དཔའ
233b3 ཆེན་པོ་དམ་ལོག་དང་། དམ་སྲི་དང་། རཱ་ཏྲའི་སྡེ་ཚར་གཅད་པའི་ཕྱིར་ཕུར་པ་གཏུན་ཁུང་རྡོ་རྗེ་ཐོ་བོའི་རྒྱུད་ཅེས་བྱ་བ། འབར་བའི་ཁྲོ་བོའི་རོལ་པའི་ལས་འདི་བཤད་པར་བྱ་སྟེ། དོན་ཡོད་པར་འགྱུར་བའི་ཕྱིར་གུས
233b4 པར་གྱིས་ལ་ཡིད་ལ་ཟུང་ཞིག། ཅེས་བཀའ་སྩལ་ཏོ།། རྡོ་རྗེ་ཕུར་པ་གསང་བའི་སྔགས་རྒྱུད་ལས་གླེང་གཞིའི་ལེའུ་སྟེ་དང་པོའོ།། །། དེ་ནས་སེམས་དཔའ་ཆེན་པོ་རྡོ་རྗེ་ལས་ཀྱིས་གསོལ་པ། ཀྱེ་བཅོམ་ལྡན
233b5 འདས། དམ་ལོག་དམ་སྲི་རཱུ་ཏྲའི་སྡེ།། ཁུངས་ཀྱི་རྩད་ནི་ཇི་ལྟར་གཅད།། སྒྲུབ་ལ་བར་ཆོད་ཇི་ལྟར་བསྒྲལ།། ཁྲོ་བོའི་སྔགས་དང་དཀྱིལ་འཁོར་གང་།། གདུག་པ་བསྒྲལ་ཞིང་མནན་པའི་ལས།། འཇིགས་བྱེད་རོལ
233b6 པས་བསྟན་དུ་གསོལ།། ཅེས་གསོལ་ཏེ་གུས་པས་འདུན་ནོ།། དེ་ནས་འཇིགས་བྱེད་ཆེན་པོ་ཞེ་སྡང་རྡོ་རྗེས་བཀའ་སྩལ་པ།། ང་སྔོན་དྲན་པ་ཐོག་མའི་ཚེ།། བསྐལ་པ་འབུམ་ཕྲག་འབུམ་སྔོན་དུ།། སངས་རྒྱས་འཇིག
iiif viewer powered by OpenSeadragon
