| e-texts navigator |
| Wylie |
233a1 ནས་དྲག་པོའི་སྔགས་བརྗོད་པས། ཕྱོགས་བཅུ་ཕྱོགས་སྐྱོང་གི་གདན་ལ། འབར་བ་རོལ་པའི་ཁྲོ་བོ་ཆེན་པོ་བཅུ་གཤེགས་ཏེ་རྣམ་པར་གཏམས་སོ།། ཉིད་ཀྱི་སྙིང་པོ་བརྗོད་པས་སྤྲུལ་པ་དང་ཡང་སྤྲུལ
233a2 དང་། སུམ་སྤྲུལ་བསམ་གྱིས་མི་ཁྱབ་པ་འཇིག་རྟེན་གྱི་ཁམས་ཁེངས་པར་སྤྲུལ་ཏེ། འཇིག་རྟེན་གྱི་ཁམས་ཐམས་ཅད་ཀྱང་ཁྲོ་མོ་འབར་བའི་གཏུན་ཁུང་སྲིད་པའི་ཁྱམས་ཁང་བང་རིམ་གསུམ་དང་ལྡན་པར་སྤྲུལ
233a3 ཏེ།། འདི་ལྟར་གྱི་སྣང་བ་འདི་ཆགས་སོ།། དེའི་ཚེ་དེ་མ་ཐག་རཱ་ཏྲའི་སྡེ་དང་དམ་ལོག་དང་། དམ་སྲི་ལ་སོགས་པ་ཁྱམས་ཁང་དུ་ཆུད་དེ། འབྲོས་བཞིན་དུ་ཐར་པའི་གནས་མེད་པར་ཐམས་ཅད་ཀྱང་ངུ་འབོད་ཆེན་པོའི
233a4 གནས་སུ་ལྷུང་སྟེ་གནས་སོ།། རྡོ་རྗེ་ཁྲོ་བོ་ཆེན་པོ་རྣམས་ཀྱང་སྤྲུལ་པ་དང་ཡང་སྦྲུལ་སུམ་སྦྲུལ་དུ་བཅས་ཏེ། ཀུན་ནས་འཁྲིགས་པ་ལས་ཤིན་ཏུ་ཤའི་ཕུང་པོ་ལ་སྦྲང་བུ་ལྡིང་ཞིང་འདུ་བ་ལྟར་གནས་པར་བྱས་སོ།། དེ
233a5 ལྟར་ཆོ་འཕྲུལ་ཆེན་པོ་ཀུན་ནས་འཁྲུགས་པ་ལས་དེ་མ་ཐག་པར་ཀརྨ་ཧེ་རུ་ཀ་རྡོ་རྗེ་ལས་ཞེས་བྱ་བ། རང་གི་གནས་འཁོར་གྱི་ནང་། ཕོ་བྲང་ནས་བཞེངས་ཏེ། ཞེ་སྡང་རྡོ་རྗེའི་དྲུང་དུ་འདུག་ནས་འདི་སྐད་ཅེས་གསོལ
233a6 ཏོ།། བཅོམ་ལྡན་འདས་འཇིགས་བྱེད་ཆེན་པོ། འདོད་པའི་ཁམས་འདི་ལྟ་བུའི་ཆོ་འཕྲུལ་སྟོན་པ་ཅིའི་རྒྱུ། ཅིའི་རྐྱེན་ལགས། ཞེ་སྡང་གི་བདག་པོས་བཀའ་སྩལ་ཅིག་ཅེས་གསོལ་ཏོ། བཅོམ་ལྡན་འདས་འཇིགས་བྱེད
iiif viewer powered by OpenSeadragon
