| e-texts navigator |
| Wylie |
232b1 སོ།། །། གཡས་རུའི་ལྷ་ཁང་གསེར་གྱི་མཆོད་རྟེན་ཅན་དུ།། རྒྱ་གར་གྱི་མཁན་པོ་ཀཱ་མ་རུ་པར་འཁྲུངས་པའི་ནག་པོའི་ཞབས་དང་། ལོ་ཙྪ་ཤྲཱི་བྷ་ལ་ཀུ་ཏྲ་དྷ་ན་དེ་བས་བསྒྱུར། ཡུལ་དབུས་འགྱུར་འོད་མའི་ཚལ
232b2 དུ། སླད་ཀྱི་བསྒྱུར་ཅིང་གཏན་ལ་ཕབ་པའོ།། །།
232b3 རྒྱ་གར་སྐད་དུ།། བཛྲ་ཀཱི་ལ་ཡ་གུ་ཧྱ་མནྟ་ཏནྟྲ་སརྦ་བྷཱུ་ཏ་བྷི་ན། བོད་སྐད་དུ། རྡོ་རྗེ་ཕུར་པ་གསང་བའི་སྔགས་རྒྱུད་འབྱུང་པོ་ཀུན་འདུལ། བཅོམ་ལྡན་འདས་དཔལ་རྡོ་རྗེ་གཞོན་ནུ་ལ་ཕྱག་འཚལ་ལོ།། འདི
232b4 སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཞེ་སྡང་རྡོ་རྗེ་ཟག་པ་མེད་པའི་ཏིང་ངེ་འཛིན་ལས་བཞེངས་ནས། འཇིག་རྟེན་གྱི་ཁམས་ཀྱི་འོག་མིན་སུམ་ཅུ་རྩ་གསུམ་དུ་འབར་བའི་གཏུན་ཁུང་རྡོ་རྗེ་ཐོ
232b5 བ་རོལ་པའི་གཞལ་ཡས་ཁང་མངོན་པར་སྤྲུལ་ཏེ།། འབྱུང་པོ་ཐམས་ཅད་ཟིལ་གྱིས་གནོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས།། ཞལ་གསུམ་ལས། ཨོཾ་བཛྲ་ཀཱི་ལི་ཀཱི་ཡ་སརྦ་བིགྷྣཱཾ་བཾ་ཧཱུཾ་ཕཊ།
232b6 ཞེས་བྱ་བ་བསྒྲགས་པ་ལས། འཇིག་རྟེན་གྱི་ཁམས་འདོད་པ་ཁམས་གསུམ་གྱི་གནས་རིས་སུ། འུར་འུར་དང་།། མེར་མེར་དང་། ཤིག་ཤིག་དང་།། ཐོར་ཐོར་དུ་གྱུར་ཏོ། ཐུགས་ཀ་ནས་ཧཱུཾ་ཧཱུཾ་ཧཱུཾ། ཞེས་སྤྲོས་ཤིང་ཞལ
iiif viewer powered by OpenSeadragon
