| e-texts navigator |
| Wylie |
232a1 རྒྱུད་ལས་བྲིས་སྐུའི་ལེའུ་སྟེ་ཉི་ཤུ་རྩ་གཅིག་པའོ།། ། དེ་ནས་ཡང་པོ་ལ་ཀཀྐོ་ལར་བཞག་ནས།། ཚེམས་ཀྱིས་མ་མཆུ་བཟུང་ནས་ནི།། གླེགས་བམ་མཚན་ཉིད་ཇི་ལྟར་འགྱུར།། རྡོ་རྗེ་པདྨ
232a2 མཉམ་སྦྱར་ནས།། དགྱེས་པས་ཁྲོ་བོར་རབ་ཕྱེ་ལ།། གླེགས་བམ་ང་ཡིས་བཤད་པར་བྱ།། ལྷ་མོ་སྐལ་ཆེན་མ་ཉོན་ཅིག། སྦྲང་ཆེན་སྣ་ཚོགས་བྱས་ནས་ནི།། མི་ཡི་རུས་པའི་སྨྱུག་གུ་ཡིས།། གླེགས་བམ་སོར་ནི་བཅུ
232a3 གཉིས་པ།། གྲོ་ག་ལ་ནི་མཁས་པས་བྲི།། གླེགས་བམ་དང་ནི་བྲིས་སྐུ་ཉིད།། སྐལ་མེད་དག་གིས་མཐོང་ན་ནི།། སྐྱེ་བ་འདི་རུ་དངོས་གྲུབ་མེད།། འཇིག་རྟེན་གཞན་དུ་མནར་མེད་ལྟུང་།། རེས་འགའ་ཙམ་ཞིག
232a4 བསྟན་པ་ནི།། དམ་ཚིག་ལྡན་པ་རྣམས་ལ་བྱ།། གལ་ཏེ་ལམ་ལ་སྤྱོད་ན་ཡང་།། གླེགས་བམ་སྐྲ་དང་མཚན་ཁུང་སྦ།། གཞན་ལ་བསྟན་པར་མ་གསུངས་སོ།། སུ་ལ་ཡང་ནི་བསྟན་པར་མི་བྱའོ།། སྦྱིན་པར་ཡང་ནི་མ
232a5 གསུངས་ཏེ།། བརྒྱ་ལམ་ལ་ནི་རེ་འགའ་ཞིག། སྟོན་ནམ་སྦྱིན་པར་བྱེད་པ་དག། དམ་ཚིག་ཤེས་པ་རྣམས་ལའོ།། ཁྲོ་བོའི་རྒྱལ་པོས་འདི་སྐད་གསུངས། རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལས་གླེགས་བམ
232a6 གྱི་ལེའུ་སྟེ་ཉི་ཤུ་གཉིས་པའོ།། །། རྒྱུད་ཀྱི་རྒྱལ་པོ་ཕུར་བུ་འབུམ་སྡེའི་ནང་ནས་ཕྱུང་བ་བརྟག་པ་ཉི་ཤུ་རྩ་གཉིས་སུ་བསྟན་པའོ།། ཕུར་བུ་ཞེ་སྡང་ཡོངས་སུ་དག་པའི་རྒྱུད་ཀྱི་རྒྱལ་པོ་ཐིག་ལེ་མཆོག་རྫོགས
iiif viewer powered by OpenSeadragon
