| e-texts navigator |
| Wylie |
231b1 འཛིན།། འཕྱ་ཚིག་སྤང་ཕྱིར་རྣ་ཆ་འཛིན།། སྔགས་ཟློས་དོན་དུ་མགུལ་རྒྱན་འཛིན།། སྲོག་གཅོད་སྤང་ཕྱིར་ལག་གདུབ་འཛིན།། རྟག་ཏུ་ལུས་ལ་ཕྱག་རྒྱས་བཏབ།། དེ་ནས་རབ་ཏུ་བཞད་མཛད་ནས།། ལྷ་མོས་གཙོ་བོ
231b2 ལ་ཞུས་པ།། གཙོ་བོ་བདེ་བ་གང་གང་གིས།། རྡོ་རྗེ་གཞོན་ནུའི་བྲིས་སྐུ་བྲི།། བྱེད་པ་བདེ་བ་ཆེན་པོ་གསུངས།། ཁྲོ་བོའི་རྒྱལ་པོས་བཀའ་སྩལ་པ།། འདི་ནི་བྲིས་མཁན་དམ་ཚིག་ཅན།། སྒྲུབ་པ་པོ་ནི་དམ་ཚིག
231b3 ལྡན།། བྲིས་སྐུ་འཇིགས་པར་བྲི་བ་ཉིད།། སྐྱེས་པའི་ཐོད་པ་བཟང་པོ་ལྔར།། ཁ་དོག་སྣ་ལྔའི་ཚོན་གྱིས་དག་ང་།། མི་རོའི་སྒྲ་ཡི་པིར་ཉིད་ཀྱིས།། བྲིས་སྐུའི་མཆོག་ཉིད་བྲི་བར་བྱ།། གང་དག་སྐུད་པ་བཀལ་བ
231b4 ལ།། གང་དག་རས་སུ་འཐག་པ་དང་།། དེ་ཡང་དམ་ཚིག་ལྡན་པས་ནི།། བྱིན་གྱིས་བརླབ་པ་ཚུལ་བཞིན་བྱ།། ཤེས་རབ་ལྡན་པ་དེ་ཡིས་ནི།། ཟླ་བ་ཡར་ངོ་མར་ངོ་ཡི།། བཅུ་བཞི་པ་ལ་ཁྱིམ་དབེན་པར།། བྱེད་ན་མ
231b5 རུངས་སེམས་ཀྱིས་ནི།། ཁྲག་ནི་བག་ཙམ་འཐུང་བར་བྱ།། ལུས་ལ་ན་རའི་ཚིལ་གྱིས་བྱུག། དེ་ནས་གཅེར་བུར་གྱུར་པས་ནི།། འབག་པ་དང་ནི་དམ་འབག་པས།། དེ་ནས་དམ་ཚིག་ཤ་ཆེན་བཟའ།། བཞིན
231b6 བཟང་སྙིང་རྗེར་ལྡན་པ་དང་།། གཟུགས་དང་ལང་ཚོ་སྐལ་བཟང་མ། མེ་ཏོག་བཅས་ཤིང་སྒྲུབ་པོ་དགའ།། རང་གི་ཕྱག་རྒྱ་གཡོན་དུ་གཞུག། བྲིས་སྐུ་འཇིགས་པ་བྲི་བར་བྱ།། རྡོ་རྗེ་ཕུར་པ་ཞེ་སྡང་ཡོངས་སུ་དག་པའི
iiif viewer powered by OpenSeadragon
