| e-texts navigator |
| Wylie |
231a1 ལགས།། ཉོན་ཅིག་ལྷ་མོ་རིན་ཆེན་མ།། བཟླས་པས་གྲུབ་པའི་འབྲས་བུ་ནི།། སྒྲུབ་པོ་ནམ་མཁའ་འགྲོ་བ་དང་།། ཕུར་པ་འཕར་དང་འཁྲོག་པ་དང་།། ནམ་མཁར་སྒྲ་སྙན་འབྱུང་བ་དང་།། སྒྲུབ་ཕུར་ད
231a2 ཧའི་སྒྲ་སྒྲོགས་དང་།། འོད་དང་དུ་བ་འབྱུང་བ་དང་།། བར་སྣང་དག་ཏུ་བརྟན་པར་གནས།། སྲིན་མོའི་ཚོགས་རྣམས་འདུ་བ་དང་།། བསྒྲུབ་པའི་མན་ངག་ཕུར་ཚོགས་བཅས།། གཏེར་རྣམས་ཡོད་པར་སྨྲ་བ
231a3 དང་།། དྲིལ་བས་རི་རབ་སྙིལ་བ་དང་།། མཚོ་གླིང་རྣམས་ནི་སྐམ་པ་དང་།། བཏབ་པས་ཉི་ཟླ་བརྟན་པར་ནུས།། འདི་རྣམས་བྱུང་བར་གྱུར་པ་དང་།། དེ་ནས་གཏོར་མ་སྦྱིན་པར་བྱ།། ད་ནུད་ཏ་ནན་སྭ་ཏ་ཡག་ཤ་ཀྲོ་དྷ
231a4 ཁཱ་ཧི་ཁཱ་ཧི།། དེ་ནས་དཀྱིལ་འཁོར་མཐིང་ནག་བྲི།། ལྷ་རྣམས་བརྟན་པར་བྱས་ནས་ནི།། མཆོད་པ་རྫོགས་པ་རབ་ཕུལ་ནས།། ལྷ་རྣམས་སྒྲུབ་པའི་ཐུགས་ཀར་བསྡུ།། འདི་ནི་དངོས་གྲུབ་པདྨར་གྱུར།། རྡོ་རྗེ་ཕུར་པ་ཞེ
231a5 སྡང་ཡོངས་སུ་དག་པའི་རྒྱུད་ལས་རིགས་བརྟག་པའི་ལེའུ་སྟེ་ཉི་ཤུ་པའོ།། །། དེ་ནས་བྲིས་སྐུའི་ལེའུ་བཤད་པར་བྱ་སྟེ།། ལྷ་མོ་ལ་ནི་དམ་འཁྱུད་ནས།། སྐྱེས་པའི་སྣ་རྩེ་གཞིབ་པར་བྱ།། ཚེམས་ཀྱིས་མ
231a6 མཆུ་བཟུང་ནས་ནི།། གནས་སྒྱུར་བྲུད་པ་གཙོ་བོར་མཛད།། མཉམ་སྦར་ཐིག་ལེ་དྲངས་ནས་ནི།། བདེ་བའི་རོ་མཉམ་བསྟར་ནས་ཀྱང་།། ཕྱག་རྒྱའི་བྱེ་བྲག་རབ་ཕྱེ་བ།། གྷུ་རུ་ཁྱོད་ལ་ཕྱག་འཚལ་འཁོར་ལོ
iiif viewer powered by OpenSeadragon
